Здаецца, яшчэ толькі празвінеў першы званок. Аднак не паспелі азірнуцца, як ўжо скончылася першая чвэрць новага навучальнага года. І вось СШ №2 імя К.П.Арлоўскага гасцінна расчыніла дзверы для 25-ці хлопчыкаў і дзяўчынак восеньскага аздараўленчага лагера “Карусель”. Аб гэтым расказала яго выхавацель Людміла Хурсан.

Першы дзень наведвання лагера для дзяцей быў вельмі насычаным і цікавым. Ранак пачаўся з музычнай зарадкі, затым вучні афармлялі свае атрадныя куткі, стваралі візіткі атрада.

Неўзабаве да выхаванцаў лагера ў госці завіталі супрацоўнікі Кіраўскага аддзялення Дэпартамента аховы МУС Рэспублікі Беларусь і іх цудоўны службовы сабака Дана.

Начальнік аддзялення Дэпартамента аховы  Аляксандр Пінчук правеў цікавую гутарку з дзецьмі, а затым віктарыну, удзельнікі якой вельмі хутка адказвалі на пытанні і за сваю стараннасць атрымалі карысныя падарункі. Потым хлопчыкі і дзяўчынкі назіралі за тым, як сабака Дана выконвае свае службовыя абавязкі і каманды. А колькі было радасці, калі вучням дазволілі пагладзіць “калматую служаку”!

Не паспелі развітацца з аднымі гасцямі, як да выхаванцаў лагера наведаўся начальнік Кіраўскай раённай энергагазінспекцыі Мікалай Русецкі. Ён пагутарыў з дзецьмі аб правілах электрабяспекі.

Пасля ад’езду гасцей, хлопчыкаў і дзяўчынак чакалі рухомыя гульні на свежым паветры і смачны абед.

У гэты дзень з усімі выхаванцамі школьнага лагера было праведзена цікавае мерапрыемства, прысвечанае адкрыццю восеньскага лагера, дзе дзеці разгадвалі загадкі, удзельнічалі ў гульнях, чыталі вершы. Не забыліся ў лагеры і пра дзённы сон, пасля якога дзеці адправіліся ў школьную бібліятэку, дзе з імі была праведзена інтэлектуальная гульня “Залатая восень”,  пераможцам якой стаў Максім Ільюткін.

Вось так прадуктыўна прайшоў першы дзень у восеньскім лагеры. Наперадзе яшчэ некалькі цікавых дзён адпачынку, за якія вучні і аздаравяцца, і карысна пабавяць час.

Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».