Многія юнакі і дзяўчаты замест таго, каб сядзець у інтэрнэце ці невядома дзе бавіць свой вольны час, вырашылі правесці летнія канікулы з карысцю для здароўя і ўласнага кашалька. Напрыклад, 15 вучняў Паўлавіцкай СШ імя Р.А.Худалеева ўвайшлі ў састаў лагера працы і адпачынку «Факел», які працуе ў СВК “Калгас “Ніва”. Рабяты шчыруюць на самых розных участках: займаюцца ўборкай і падрыхтоўкай да ўраджаю збожжавых складскіх памяшканняў, добраўпарадкоўваюць і прыбіраюць прылягаючую тэрыторыю. Да слова, юнакі і дзяўчаты адносяцца да любой даручанай справы добрасумленна і адказна, не прагульваюць. А таму могуць спадзявацца, што кіраўніцтва гаспадаркі належным чынам ацэніць іх пасільны працоўны ўклад. Разам з рабятамі пастаянна знаходзяцца настаўнікі школы С.Л.Рыняк і Ю.М.Макаронак, якія ажыццяўляюць кантроль за працоўнай дысцыплінай і бяспечнымі ўмовамі іх працы.
Падвоз вучняў да месца работы і назад да школы ажыццяўляецца транспартам сельгаскааператыва. Для юнакоў і дзяўчат арганізавана гарачае харчаванне і цікавае правядзенне вольнага часу.