Традыцыйны агляд-конкурс строю і песні прайшоў у СШ №2 імя К.П.Арлоўскага
З мэтай выхавання ў вучняў грамадзянскасці, патрыятызму, фарміравання патрыятычнай свядомасці, пачуцця вернасці сваёй Айчыне, гатоўнасці да абароны яе інтарэсаў напярэдадні Дня абаронцаў Айчыны і Узброеных Сіл Рэспублікі Беларусь у СШ № 2 імя К.П.Арлоўскага адбыўся традыцыйны агляд-конкурс строю і песні. Удзел у ім прынялі 10 каманд вучняў 5-9 класаў.
Рабяты доўга і адказна рыхтаваліся да агляду-конкурсу, і кожны атрад разлічваў на перамогу. Падтрымаць канкурсантаў прыйшлі іх аднакласнікі, бацькі і настаўнікі. А пераможцаў чакалі дыпломы і салодкія прызы ад ганаровых гасцей – членаў журы.
Кампетэнтнае журы ў складзе начальніка адасобленай групы (Кіраўскага раёна) Бабруйскага АГВК Мікалая Маліноўскага – старшыні журы, старшыні Кіраўскай міжраённай арганізацыйнай структуры ДТСААФ Сяргея Максіменкі, старшага інспектара-інжынера ГСіСА Кіраўскага аддзялення Дэпартамента аховы МУС Рэспублікі Беларусь Вадзіма Бачкова ацаніла зладжанасць страявога кроку, выкананне каманд, страявой песні, дысцыпліну строю, знешні выгляд каманды і дзеянне камандзіра.
У выніку пераможцам стала каманда дзяўчынак 8 “Б” класа, другое масца заняў 9 “Б” клас, замкнула тройку каманда 5 “Б” класа. Лепшым камандзірам прызнана Вікторыя Шчыгельская, вучаніца 7 “А” класа.
Пасля цырымоніі ўзнагароджвання старшыня журы пажадаў усім удзельнікам мерапрыемства любіць сваю Радзіму, захоўваць і прымнажаць традыцыі старэйшых пакаленняў, і быць іх дастойной зменай.