У межах тэматычных мерапрыемстваў, прысвечаных Дню народнага адзінства, у гарадскім парку адбыўся канцэрт “Вытокі нашай спадчыны”, падрыхтаваны творчым калектывам дзіцячай школы мастацтваў г.Кіраўска.

Гучалі песні пра нашу сінявокую Беларусь, якую завём Бацькаўшчынай, яе прыгожыя краявіды і таленавітых людзей. І пра вялікі подзвіг землякоў у гады Вялікай Айчыннай вайны, якія змагаліся за свабоду і мірную будучыню Радзімы.

Галоўным пасылам канцэртнай праграмы стаў наступны: “Мы – беларусы! Усе мы розныя. Але мы аднолькава любім сваю Айчыну. Я, ты, ён, яна – мы – разам! Менавіта гэтым народным адзінствам моцная наша краіна!”.

На пляцоўцы ля фантана выступілі аркестр народных інструментаў, вакальнае трыо ў саставе выкладчыкаў Марыны Каранкевіч, Аліны Леановіч і Юліі Чабан, дуэт Аксаны Дзенісенка і Таццяны Цяшаевай, пранікнёным быў іх нумар разам з вучнямі з песняй “Праменьчык святла”, на акардэоне саліравала Жанна Кудзіна, таксама ў канцэрце прымалі ўдзел  Людміла Кушнярова, вакальны ансамбль “Усмешка” і іншыя.  

Канцэртная праграма падарыла гледачам станоўчыя эмоцыі і добры настрой.

Побач дэманстравалася выстава работ вучняў мастацкага накірунку дзейнасці школы. Тут жа праходзілі майстар-класы па аквагрыму.

Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».