З 6 па 11 чэрвеня ў выставачным цэнтры Кітайска-Беларускага індустрыяльнага парку “Вялікі Камень” праходзіў Беларускі аграпрамысловы тыдзень, у рамках якога адбыліся Міжнародныя спецыялізаваныя выставы “Белагра-2023”, “Белферма”, “Белпрадукт”, “Продмаш. Холад. Упак”.

Выставу “Белагра-2023” наведалі кіраўнікі і спецыялісты сельгасарганізацый Кіраўшчыны, дэлегацыя з ліку прадстаўнікоў працоўнага калектыву ААТ “Рассвет імя К.П.Арлоўскага”.Намеснік дырэктара па збыце і маркетынгу сельгаставарыства Вольга Пішчаліна расказала: “Актыўны ўдзел у выставе прымаў і наш “Рассвет”. Мы прадстаўлялі наведвальнікам аграрнага форуму агародніну Прыдняпроўскага краю. Да слова, з усёй вобласці з такой прадукцыяй наша таварыства было адзінае. Мы прапаноўвалі прадэгуставаць агуркі, таматы. Прыемна, што рассветаўскі выставачны павільён удзельнікі выставы пакідалі ў добрым настроі. Значыць, наша прадукцыя ім спадабалася!”.

Падчас выставы кіраўчане мелі магчымасць пазнаёміцца з перадавымі накірункамі ў развіцці раслінаводства, жывёлагадоўлі, сучаснымі тэхналогіямі перапрацоўкі, упакоўкі і захоўвання сельгаспрадукцыі, а таксама навінкамі і разнастайнасцю сельгастэхнікі. Сёлета спецыялізаваная выстава “Белагра-2023” праводзілася ўжо ў 33 раз. Удзел у вядучым форуме аграрыяў краіны прынялі каля 450 кампаній з дзесяці краін свету. Былі прадстаўлены экспазіцыі Міністэрства сельскай гаспадаркі і харчавання Рэспублікі Беларусь, Міністэрства прамысловасці, Нацыянальнай
акадэміі навук, Канцэрна “ Б е л д з я р ж х а р ч п р а м ” , Белкаапсаюза, усіх абласцей краіны, а таксама 14 абласцей Расійскай Федэрацыі.

Падрыхтавала Яўгенія БЯЛЬКО.