Каму не знаёма сітуацыя, калі спехам кудысьці адпраўляешся, потым усю дарогу нер-вуешся: ці выключаны газ, ці пагашана святло, ці зачынены вокны і дзверы? Гэта мае пад сабой глебу, бо такія, здавалася б, дробязі могуць прывесці да вялікіх непрыемнасцей. І “выратавальны круг” у іх папярэджанні і пераадоленні заўсёды “кідае” Белдзяржстрах. Кампанія на страхавым рынку краіны працуе ўжо 95 год. Увесь гэты час спецыялісты галіны знаходзяць узаемаразуменне з суб’ектамі гаспадарання і грамадзянамі, наладжваюць з імі доўгатэрміновыя адносіны і гарантуюць упэўненасць у заўтрашнім дні.
Прафесійнае свята стала добрай нагодай наведаць прадстаўніцтва Белдзяржстраху па Кіраўскім раёне. Як арганізавана тут работа, расказала яго дырэктар Ірына ТАРКАН:

— Як вядома, Белдзярж-страх — найбуйнейшая страхавая кампанія на сённяшні дзень. Усё больш людзей давяраюць ёй абарону свайго жыцця, здароўя і матэрыяльную ўласнасць, падабраўшы найбольш зручны від страхавання. Кваліфікаваныя работнікі прадстаўніцтва заўсёды дапамагаюць кліентам разабрацца ў шырокім спектры нашай дзейнасці.
Сёння мы маем магчымасць прапанаваць грамадзянам звыш 80 страхавых паслуг: як добраахвотных (асабістае, медыцынскае, страхаванне маёмасці і г.д.), так і абавязковых (страхаванне ад няшчасных выпадкаў на прадпрыемстве, грамадзянскай адказнасці ўладальнікаў транспартных сродкаў, прафесійных захворванняў, пасеваў і г.д.). Дарэчы, дагаворы на добраахвотнае медыцынскае страхаванне сваіх работнікаў пастаянна афармляюць УКП “Жылкамгас”, ААТ “ПМК-97 Вадгас”, КСУП “Жылічы”, ААТ “Дабаснянскае”, КСУП “Ніва-Барсукі”, КСУП “Чырвоны баец”.
Прафесійнае свята сустракаем з добрым настроем. І для гэтага ёсць пазітыўныя прычыны, бо за студзень-лістапад мы выканалі ўсе асноўныя даведзеныя планавыя паказчыкі. Прадстаўніц-твам было заключана звыш 11,4 тысячы дагавораў (з іх 7,1 тыс. — добраахвотны від) па розных відах страхавання на суму 770 тыс. руб. А гэта значыць, што жыхары Кіраўшчыны давяраюць нам і ўпэўнены, што мы — гарант спакою, і ў выпадку чаго ім будзе выплачана кампенсацыя. Так, за 11 месяцаў бягучага года нашым кліентам была выплачана кампенсацыя на суму 471, 6 тыс. руб, з іх 417, 3 тыс. руб. — па відах абавязковага страхавання.
Рэгулярна праводзім розныя акцыі, прадастаўляем скідкі (да 50%) па розных відах паслуг. Адным словам, стараемся зрабіць усё магчымае для кліентаў.
Безумоўна, нашы поспехі — заслуга калектыву. Зараз у прадстаўніцтве працуе 16 чалавек. Гэта добрасумленныя, ініцыятыўныя людзі, якія на выдатна спраўляюцца з пастаўленымі задачамі. Значная іх частка — са стажам у сферы страхавання. Яны, маючы багаты вопыт, дасканала валодаюць сваёй справай і пастаянна выконваюць даведзены план. З задавальненнем называю тых, хто дасягнуў значных вынікаў у працы, наладзіўшы трывалыя кантакты з насельніц-твам і арганізацыямі на абслугоўваемай тэрыторыі: гэта страхавыя агенты Надзея Дзюіна (яна працуе амаль 20 год і ўваходзіць у лік лепшых прадстаўнікоў рэспублікі ў нашай сферы), Надзея Каляснёва, Людміла Міхневіч, Анжэла Скудная і іншыя.
Вядома, што мы не спыняемся на дасягнутым і будуем планы на будучыню. І далей будзем працаваць над павышэннем узроўню абслугоўвання кліентаў, паляпшэннем якасці паслуг, больш хуткім афармленнем страхавых полісаў і інш. Наша задача — рабіць усё, как нам і далей давяралі.
Размаўляла
Настасся ЛОГВІНАВА.
Фота
Максіма МІКЕШЫНА.