Прайшоў раённы этап рэспубліканскага агляду-конкурсу «Сэрцам адданыя роднай зямлі». Мерапрыемства аб’яднала тры каманды вучняў з устаноў адукацыі раёна, кожная з якіх зрабіла максімум намаганняў рыхтуючыся да конкурсу.

Агляд-конкурс праходзіў у спартыўнай зале Сярэдняй школы №1 г.Кіраўска. Атмасфера была напоўнена хваляваннем – удзельнікі перажывалі за вынікі свайго выступлення, а іх педагогі падтрымлівалі рабят на кожным кроку.

У намінацыі «Сцяг-шоу» асабліва вызначылася каманда «Патрыёты» з Мышкавіцкай сярадняй школы, заваяваўшы Дыплом першай ступені. Іх выступленне было яркім, эмацыйным і прадэманстравала высокі ўзровень падрыхтоўкі.

У намінацыя «Тэматычны відовішчны паказ» разгарнулася сапраўдная барацьба за лідарства. Першае месца заняла каманда «Сапраўдныя Беларусы» з сярэдняй школы №1. Яны змаглі здзівіць журы сваёй крэатыўнасцю. Каманда «Вясёлыя рабяты» з Барчыцкай сярэдняй школы атрымала Дыплом другой ступені, паказаўшы высокі ўзровень майстэрства. Раённы этап агляду-конкурсу стаў сапраўдным святам таленту і сяброўства, якое надоўга застанецца ў памяці ўсіх удзельнікаў і гледачоў.