На базе аддзялення дзённага знаходжання для інвалідаў і грамадзян пажылога ўзросту Кіраўскага РЦСАН не першы год вядзецца работа па падрыхтоўцы маладых інвалідаў да рамеснай дзейнасці.

Аддзяленнем рэалізуецца шэраг сацыяльных праектаў, якія накіраваны на павышэнне матывацыі людзей з інваліднасцю на арганізацыю ўласнай справы, стымуляванне іх самазанятасці. Зараз 6 маладых грамадзян з абмежаванымі магчымасцямі з дапамогай спецыялістаў РЦСАН аформілі неабходную дакументацыю і займаюцца рамеснай дзейнасцю.
Як адзначыла інструктар па працоўнай тэрапіі аддзялення дзённага знаходжання для інвалідаў і грамадзян пажылога ўзросту РЦСАН Вераніка Пятруша, рамесная дзей- насць – адзін з найбольш магчымых заняткаў для інвалідаў, які можна ажыццяўляць як дома, так і падчас наведвання цэнтра. Каб зрабіць штосьці прыгожае, трэба мець своеасаблівыя навыкі, якія інваліды атрымліваюць падчас удзелу ў рабоце гурткоў дэкаратыўна-прыкладной творчасці, швейнай майстэрні, што працуюць пры РЦСАН.
Прайшло крыху больш года, як жыхарка аг.Мышкавічы Алена Гаўрыленка занялася рамеснай дзейнасцю. Яна асвоіла тэхніку мылаварэння, свечкаварэння, выраб рознай сувенірнай прадукцыі з фаамірана (абадкі, заколкі, тапіарый). Яе настаўнікам, куратарам і памочнікам з’яўляецца Вераніка Пятруша.
Для заняткаў рамеснай дзейнасцю праз аддзел працы, заработнай платы і занятасці насельніцтва ўпраўлення па працы, занятасці і сацыяльнай абароне райвыканкама Алена атрымала дзяржаўную субсідыю. За гэтыя сродкі былі набыты неабходнае абсталяванне і матэрыялы: мікрахвалевая печ, мэбля, расходныя матэрыялы.
Зараз, напярэдадні навагодніх і калядных святаў, Алена разам са сваім настаўнікам пераключылі ўвагу на мылаварэнне: закупілі формачкі для мыла ў выглядзе сняжынак, араматызатары, і вось ужо першыя сувенірныя вырабы чакаюць свайго пакупніка.
Як расказала Вераніка Пятруша, аддзяленне дзённага знаходжання Алена наведвае каля 4 год. Спачатку яна спрабавала самыя розныя віды дзейнасці: шыла, вязала, займалася вырабам паштовак і сувеніраў. Спецыялісты назіралі, што ў яе лепш за ўсё атрымліваецца, што падабаецца. На адным з заняткаў Алена папрасіла даць магчымасць самой зварыць мыла, і так ёй спадабалася, захапіла, што яна вырашыла заняцца гэтым на больш прафесійным узроўні. Так, з дапамогай і падтрымкай спецыялістаў РЦСАН былі сабраны неабходныя дакументы для афармлення рамеснай дзейнасці, і праз некаторы час Алена Гаўрыленка ўжо трымала ў руках уласныя вырабы, якія магла рэалізоўваць як рамеснік. Акрамя таго, у яе з’явілася цудоўная магчымасць дарыць зробленыя ўласнымі рукамі сувеніры сваім родным, што яна з радасцю і робіць.
Каб пашырыць кола пакупнікоў сваіх вырабаў, Алена разам са сваім настаўнікам Веранікай Пятруша вя- дуць старонку ў Інстаграме, штосьці ўдаецца рэалізоў- ваць разам з іншай прадукцыяй, вырабляемай наведвальнікамі і работнікамі РЦСАН, падчас удзелу ў розных выставах, кірмашах, фестывалях і фэстах. Прычым, не толькі ў Беларусі, але і за яе межамі. Зараз жа, пакуль не зусім спрыяльная эпідэміялагічная сітуацыя па COVID-19, каб рэалізаваць свае вырабы, спецыялісты РЦСАН з дазволу рённай улады выстаўляюць палаткі, наведваюцца ва ўстановы і арганізацыі горада, дзе прапануюць набыць зробленыя рукамі маладых інвалідаў рэчы, і тым самым зрабіць добрую справу, падтрымаўшы людзей з абмежаванымі магчымасцямі.
Людміла СЯМЁНАВА.
Фота Максіма МІКЕШЫНА.

Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».