Асабісты прыём грамадзян і «прамая тэлефонная лінія» па пытаннях рэалізацыі Дэкрэта №3.

На бягучым тыдні ў райвыканкаме асабісты прыём грамадзян і “прамую тэлефонную лінію” па пытанні рэалізацыі Дэкрэта №3 “Аб папярэджванні сацыяльнага ўтрыманства” правёў член Савета Рэспублікі Нацыянальнага сходу Рэспублікі Беларусь, генеральны дырэктар РУП “Магілёўэнерга” Канстанцін Пуціла.

На бягучым тыдні ў райвыканкаме асабісты прыём грамадзян і “прамую тэлефонную лінію” па пытанні рэалізацыі Дэкрэта №3 “Аб папярэджванні сацыяльнага ўтрыманства” правёў член Савета Рэспублікі Нацыянальнага сходу Рэспублікі Беларусь, генеральны дырэктар РУП “Магілёўэнерга” Канстанцін Пуціла.
У ходзе асабістага прыёму грамадзян да яго звярнуўся жыхар в.Шалаёўка Яўген Цярэшчанка, які прыехаў разам са сваёй маці. Мужчына пацікавіўся магчымасцю вярнуць выплачаную ім за 2015 год суму збору на фінансаванне дзяржрасходаў.
Заяўніку былі дадзены тлумачэнні, што пакуль не прапісаны ўмовы вяртання аплачаных сум збору. Для вырашэння дадзенага пытання патрабуецца пэўны час.
Улічваючы, што Яўген Цярэшчанка пражывае і вядзе сумесную хатнюю гаспадарку з маці-пенсіянеркай, і яны маюць зямельны ўчастак для будаўніцтва і абслугоўвання жылога дома, яму было прапанавана звярнуцца ў Баравіцкі сельвыканкам за атрыманнем даведкі аб наяўнасці зямельнага ўчастка і вядзенні асабістай падсобнай гаспадаркі. Гэта і будзе потым падставай для вырашэння пытання аб вяртанні выплачанага збору.