Асабістыя прыёмы грамадзян па пытанні рэалізацыі Дэкрэта Прэзідэнта Рэспублікі Беларусь №3 “Аб папярэджванні сацыяльнага ўтрыманства” правялі 18 лютага намеснікі старшыні і кіраўнікі структурных падраздзяленняў Магілёўскага аблвыканкама. Адбыліся асабістыя прыёмы і ў гар-, райвыканкамах.
У мінулую суботу ў Кіраўскім райвыканкаме “прамую тэлефонную лінію”, а таксама асабісты прыём грамадзян па пытанні рэалізацыі Дэкрэта Прэзідэнта Рэспублікі Беларусь №3 “Аб папярэджванні сацыяльнага ўтрыманства” правяла намеснік старшыні райвыканкама Таццяна Русецкая.

На прыёме прысутнічалі начальнік інспекцыі Міністэрства па падатках і зборах Рэспублікі Беларусь па Кіраўскім раёне Віктар Каранкевіч, дэпутат раённага Савета дэпутатаў, галоўны рэдактар установы “Рэдакцыя раённай газеты “Кіравец” Наталля Хадакова, начальнік аддзела па рабоце са зваротамі грамадзян і юрыдычных асоб райвыканкама Вольга Русецкая.
Пытанні і звароты, звязаныя з рэалізацыяй норм дэкрэта №3, прагучалі і ад тэлефанаваўшых на “прамую тэлефонную лінію”, і ад прыйшоўшых на прыём жыхароў раёна. Усяго па гэтай тэме звярнулася 5 грамадзян: большасць пытанняў тычылася магчымасці вызвалення ад уплаты збору на фінансаванне дзяржаўных расходаў за 2015 год у сувязі са знаходжаннем, на іх погляд, у цяжкай жыццёвай сітуацыі.
Усе аргументы заяўнікаў, іх жыццёвыя сітуацыі былі дэталёва разгледжаны, дадзены канкрэтныя парады, тлумачэнні, рэкамендацыі, якім чынам і куды неабходна звяртацца.
Двое жыхароў Кіраўска прыйшлі на прыём за кансультацыямі за сваіх дзяцей, якія атрымалі з падатковай інспекцыі паведамленні аб неабходнасці ўплаты збору на фінансаванне дзяржрасходаў. Маўляў, ці ёсць у іх падставы звяртацца наконт вызвалення ад уплаты збору?
Бацькоў уважліва выслухалі і парэкамендавалі падмацаваць свае словы адпаведнымі дакументамі, з улікам гэтага іх заявы будуць разглядацца камісіяй па разгляду зваротаў грамадзян, прэтэндуючых на атрыманне льгот па ўплаце рэспубліканскіх падаткаў, збораў (пошлін), поўнасцю ўплачваемых у раённы бюджэт.
Падрабязныя тлумачэнні алгарытму дзеянняў былі дадзены ў хо-дзе асабістага прыёму і “прамой лініі” грамадзянам, якія, хаця не працуюць на прадпрыемствах ці ў арганізацыях, але, па іх словах, займаюцца асабістай падсобнай гаспадаркай.
Падчас гутаркі з людзьмі рабіўся акцэнт на тым, што нормы дэкрэта №3 не нацэлены на тое, каб прымусіць кагосьці працаваць, а каб грамадзяне свядома ўдзельнічалі ў фінансаванні дзяржаўных расходаў. Затраты рэспубліканскага і мясцовага бюджэтаў на сацыяльную сферу вельмі значныя, а гэта бясплатныя медыцына, адукацыя, іншыя выгоды, якімі ўсе карыстаюцца, таму і ўдзел ва ўплаце падаткаў павінен быць салідарным. А калі хто не ў стане гэта рабіць у сувязі з цяжкай жыццёвай сітуацыяй — кожны канкрэтны выпадак будзе ўважліва разглядацца.
Адна з жыхарак раёна праявіла пільнасць і, хаця не атрымлівала паведамлення з падатковай інспекцыі, патэлефанавала на “прамую лінію”, каб пацікавіцца, ці патрэбна ёй
уплачваць збор: у 2015 годзе яна
не працавала, а была да 1лістапада аформлена па догляду за хворай маці, інвалідам
I групы.
Жанчыне растлумачылі, што
ёй не належыць уплачваць збор
за 2015 год.
Трэба заўважыць, грамадзяне, якія звярталіся на “прамую лінію”, у ходзе асабістага прыёму, прэтэнзій наконт норм дэкрэта №3 не выказвалі, ставіліся да гэтага з разуменнем, станоўча адгукаліся аб унесеных у студзені бягучага года зменах, у прыватнасці, пункта “знаходжанне ў цяжкай жыццёвай сітуацыі”.
Па выніках кансультацый, дадзеных у ходзе прыёму, двое грамадзян ужо ў гэты дзень падалі ў службу “адно акно” райвыканкама заявы з неабходнымі дакументамі для разгляду пытання па прадастаўленні льгот.
Тэкст і фота Наталлі ХАДАКОВАЙ.