У рамках рэспубліканскай акцыі «Канікулы без дыму і агню!» школьнікі наведалі Кіраўскі раённы аддзел па надзвычайных сітуацыях. Аб гэтым паведаміў старшы інспектар СПіУГ РАНС Аляксандр Жураўскі.
У адзін з летніх ясных дзянькоў чэрвеня навучэнцы СШ №1 прыйшлі ў госці да выратавальнікаў. Работнікі МНС пазнаёмілі рабят са сваімі працоўнымі буднямі, паказалі тэхніку і спецыяльнае пажарнае абсталяванне, пры ўмелым выкарыстанні якога, выратавальнікі заўсёды гатовыя прыйсці на дапамогу чалавеку, які трапіў у бяду. Кожны меў магчымасць прымерыць баявую вопратку, каску выратавальніка, пасядзець у пажарным аўтамабілі і азнаёміцца з цэнтрам аператыўнага кіравання, куды паступаюць усе паведамленні па нумары «101» альбо «112».
Акрамя гэтага, выратавальнікі нагадалі дзецям аб асноўных правілах бяспекі, у тым ліку ў летні канікулярны перыяд, асабліва правілы бяспечных паводзін на вадаёмах.
Напрыканцы сустрэчы кожны юны ўдзельнік мерапрыемства, атрымаў на памяць падарункі ад МНС і зарад станоўчага настрою на ўсё лета!
Навучыць дзіця правілам бяспекі – у першую чаргу абавязак бацькоў. Бо ніхто акрамя самых блізкіх і дарагіх для дзіцяці людзей зможа лёгка навучыць правілам бяспекі жыццядзейнасці.