Набліжаецца Новы Год – самае любімае, практычна ўсімі свята. А адзначаць мы яго любім, як правіла, пышна, весела, ярка. Хтосьці ў гэтыя святочныя дні застаецца дома, хтосьці ідзе ў госці, а хтось, узгадаўшы, што можна адсвяткаваць навагоднія святы “акунуўшыся ў прыгажосць прыроды”, накіроўваюцца на дачы. Там нас чакае ярка ўпрыгожаны домік, і, канечне ж, галоўны атрыбут свята – упрыгожаная гірляндай ёлачка. Аднак тут не варта забываць, што навагодняя гірлянда – гэта, у першую чаргу, электрапрыбор, а, значыць, патэнцыйна небяспечная рэч. Асабліва калі звяртацца з ёй не акуратна, не выконваць правілы бяспекі ці пакідаць без нагляду.

На памяць прыходзіць пажар, які адбыўся за пару гадзін да наступлення новага 2021 года. Паведамленне аб тым, што ў вёсцы Скоры гарыць гасцявы дом, паступіла ратавальнікам Мядзельшчыны каля 9 гадзін вечара. На момант прыбыцця з-пад казырка дома ішоў дым, таксама назіраліся абвугленыя ўчасткі корпуса дэкаратыўнага асвятлення і тленне драўляных канструкцый даху дома. Менавіта дэкаратыўная стужка асвятлення, ці, калі прасцей сказаць, вулічная гірлянда згуляла з гаспадарамі злы жарт…

Зберагчы сваю маёмасць ад бяды і сустрэць Новы год «без смутку і бедаў» усё ж можна. Для гэтага неабходна, каб усе электрычныя прыборы, якія “мільгаюць” у вашай хаце, былі якаснымі і мелі сертыфікаты. Толькі тады можна спадзявацца, што кароткае замыканне не адбудзецца ў самую адказную хвіліну вечара. Калі гірлянда “падае” прыкметы няспраўнасці накшталт мільгацення ці іскрэння, лепш не заставацца абыякавым да гэтых трывожных сімптомаў, і адключыць яе ад сеткі. У навагоднюю ноч небяспека можа падкрасціся з-за любого кута, нават натуральная ёлка можа стаць крыніцай праблем, калі яна стаіць няўстойліва ці блізка да сцен. Будзьце пільныя. Пры ўпрыгожванні ялінак не выкарыстоўвайце лёгкаўзгаральныя матэрыялы накшталт ваты, марлі і падобнага. Калі ж вы, нацешыўшыся прыродай, вырашылі пакінуць свой дачны домік, не забывайцеся прыняць ўсе неабходныя меры перасцярогі, каб пасля вашага ад’езду не прышлося тэлефанаваць суседзям ці работнікам МНС з паведамленнем аб тым, што “на дачы здарыўся пажар». Магчыма, гэтыя некалькі парад дапамогуць вам сустрэць Новы год весела і без незапланаваных здарэнняў. Шчаслівага и бяспечнага Новага года!