“Зялёнае жніво”. Менавіта так працаўнікі сельгаспрадпрыемстваў часта называюць перыяд нарыхтоўкі кармоў. Гэта важная і вельмі адказная справа, якая патрабуе асаблівай увагі і самааддачы ад усіх удзельнікаў кормаўборачнай кампаніі. На першым плане – якасць работ: менавіта ад гэтага ў значнай ступені залежыць, якімі будуць малочная і мясная прыбаўкі
ў жывёлагадоўчай галіне.
Актыўна прыступілі да нарыхтоўкі кармоў працаўнікі КСУП “Ніва-Барсукі”.

Як адзначыў галоўны аграном сельгаспрадпрыемства Сяргей Сіўчыкаў, травастой якраз дасягнуў той стадыі росту, калі трэба пачынаць касавіцу. Прычым, марудзіць нельга: трава набрала максімальную колькасць пажыўных рэчываў, а значыць, паядаючы такія кармы, жывёла дасць у будучым найбольшую аддачу.
Варта адзначыць, што ніваўцы добра падрыхтаваліся да касьбы. Загадзя была прыведзена ў гатоўнасць корманарыхтоўчая тэхніка, распрацаваны ўмовы працоўнага спаборніцтва, меры маральнага і матэрыяльнага заахвочвання, зацвердзілі тут і памеры дадатковай аплаты працы за высокую якасць правядзення работ. Усе занятыя на корманарыхтоўцы забяспечаны гарачымі абедамі і вячэрамі, якія дастаўляюцца на палеткі.

Як адзначыў Сяргей Сіўчыкаў, на палі, якія вызваляюцца ад скошаных траў, выходзіць тэхніка з угнаеннямі, затым – агрэгаты для апрацоўкі і падрыхтоўкі глебы, якімі кіруюць Уладзімір Лебедзеў і Аляксандр Рымараў. У хуткім часе тут зноў пасеюць культуры на зялёны корм, а падсяваць плануюць шматгадовымі травамі. У выніку такога тэхналагічнага працэсу з аднаго поля ніваўцы плануюць атрымаць тры і больш укосы травяных кармоў.
Работа на кармавых палетках толькі набірае тэмп. Даражаць ніваўцы кожнай пагоднай хвілінай. Старанная праца механізатараў і добрая арганізацыя работ дае ўпэўненасць, што грамадскі статак будзе забяспечаны высокаякаснымі кармамі пад поўную патрэбу і нават з запасам.,

Подробно в номере № 40 (10662).

Людміла СЯМЁНАВА.
Фота аўтара.