За акном лютаўскае снежнае надвор’е, а на цяплічным камбінаце ААТ «Рассвет імя К.П.Арлоўскага» пануе сапраўдная вясна. Тут, ва ўмовах, максімальна набліжаных да ідэальных, актыўна спеюць агуркі. Вытворчасць вядзецца па тэхналогіі святлакультуры.

Пад святлом некалькіх тысяч лямпачак агуркі дасягаюць спеласці за 45 дзён. Жыхары Кіраўскага і іншых раёнаў Магілёўскай вобласці маюць магчымасць набываць гародніну айчыннай вытворчасці, а сваё есці і смачней, і прыемней.

На вытворчых гектарах цяплічнага камбіната падтрымліваецца неабходная тэмпература для паспявання агуркоў. А гэта гародніна, як вядома, патрабуе скрупулёзнага догляду. Мясцовыя агароднікі ўважліва клапоцяцца пра кожную расліну. У тэхналогіі вытворчасці выкарыстоўва-
ецца кропельны паліў і ўважліва падабраны пажыўны рацыён. Дзякуючы сучасным тэхналогіям, аптымальныя ўмовы для раслін забяспечваюцца кругласутачна з дапамогай камп’ютарнай сістэмы, якая кантралюе рэжым тэмпературы, вільготнасці і асвятлення. Але без клапатлівых рук цяплічніц, вядома, не абысціся. Яны актыўна выдаляюць вусы і пасынкі, каб расліны не страчвалі пажыўныя рэчывы на лішнія парасткі, і своечасова робяць выбарку ўраджаю, каб агурок не перарастаў.

Нядаўна ў цяпліцах высадзілі расаду таматаў, але асноўны фронт работ зараз засяроджаны на агурках. З пачатку года іх ўжо сабрана 180 тон.

У канцы мінулага года завершана тэхнічная мадэрнізацыя сістэмы электрадасветкі, што дало магчымасць павялічыць аб’ёмы вытворчасці сельгаспрадукцыі.

Цяплічнай гаспадарцы «Рассвета» больш за сорак гадоў. Дзякуючы маштабнай мадэрнізацыі і выкарыстанню дадатковых крыніц цяпла, цяпер агуркі збіраюць круглы год. А гаспадарка ў выніку атрымлівае дадатковы прыбытак. Гэта дазваляе нарошчваць аб’ёмы айчыннай сельгаспрадукцыі, якая становіцца не толькі смачней і карысней, але і больш даступнай для пакупнікоў па кошце.
Агуркі айчыннай вытворчасці. ААТ «Рассвет імя К.П.Арлоўскага» – прыклад таго, як з дапамогай інавацый, адказнага падыходу і стараннай працы можна дасягаць стабільнасці і якасці ў вытворчасці сельскагаспадарчай прадукцыі.

Яўгенія БЯЛЬКО.
Фота аўтара і Галіны РУСЕЦКАЙ.

• В Кировске прошел районный выпускной вечер — большой фоторепортаж
• Пётр Яцкевич — ветеран труда ОАО «Рассвет им. К.П.Орловского» даёт совет молодым аграриям
• «Беларусь помнит. Помним каждого». Как реализуют проект школьники Кировского района
• Сенокосная страда в СХФ «Чигиринка»
• Юные кировчане приняли участие в III региональном художественном конкурсе «РЭХА ПЕРАМОГІ. Ажыўшыя лісты вайны»
• Конкурс для молодых семей «Властелин села-2026» состоится 16 июня