На чарговай вытворчай нарадзе, якая адбылася на базе КСУП “Жылічы”, былі разгледжаны вынікі работы галіны жывёлагадоўлі раёна за студзень-лістапад 2022 года. Таксама абмеркавалі тэмы вырошчвання маладняку БРЖ, тэхналогіі вытворчасці і рэалізацыі высакаякаснага малака згодна тэхналагічных рэгламентаў. Удзел у рабоце нарады прыняла старшыня райвыканкама Галіна Слабоднікава, яе першы намеснік – начальнік райсельгасхарчу Аляксандр Кісялёў, кіраўнікі, галоўныя заатэхнікі і ветурачы, зааветспецыялісты, загадчыкі МТК і МТФ гаспадарак раёна.

У нашым раёне развіццю жывёлагадоўлі надаецца належная ўвага: вядзецца будаўніцтва і рэканструкцыя ферм і комплексаў, грамадскі статак папаўняецца высокапрадукцыйнай жывёлай, укараняюцца сучасныя тэхналогіі яе ўтрымання. Па сярэднесутачным надоі на карову Кіраўскі раён ужо не адзін год стабільны лідар у вобласці.
Граматна арганізаваныя ўмовы ўтрымання жывёлы і правільна падабраны рацыён – галоўныя нюансы, на якія звяртаецца ўвага як кіраўніцтва раёна, так і спецыялістаў райсельгасхарчу пры наведванні сельгаспрадпрыемстваў. Менавіта прытрымліванне гэтых простых, на першы погляд, патрабаванняў адбіваецца на надоях і прывагах БРЖ.

Больш падрабязна чытайце ў №99 «Кіраўца».