Пры падтрымцы дзяржавы
Выхаванне дзіцяці — вельмі цяжкая і прыемная праца, якая патрабуе ад жанчын шмат бяссоных начэй, перажыванняў, клопатаў, матэрыяльных затрат. Маці, якая не толькі нараджае, але і выхоўвае сваё дзіцяці, укладвае ў яго сваю душу, хвалюецца за далейшы яго лёс і будучае, тым самым уносіць важкі ўклад у развіццё нашай нацыі і будучыню роднай Беларусі.
Ва ўсе часіны жанчына-маці была ўвасабленнем жыцця, міру, будучыні. Менавіта таму ў нашай краіне шмат робіцца для таго, каб падтрымаць цудоўную палову чалавецтва ў выкананні яе галоўнай місіі, дапамагчы ёй выхаваць і вывесці ў людзі здаровых і адукаваных дзяцей. З гэтай нагоды ў рэспубліцы існуе спецыяльная льготная палітыка, прадугледжаны выплаты дзяржаўных дапамог, прымаюцца адпаведныя заканадаўчыя акты.
Так, забараняецца
прыцягненне да звышурочных работ, работ у дзяржаўныя святы, святочныя і выхадныя дні, а таксама накіраванне ў службовую камандзіроўку цяжарных жанчын і жанчын, маючых на выхаванні дзяцей ва ўзросце да 3 гадоў. Жанчыны, у якіх дзеці ва ўзросце ад 3 да 14 гадоў (дзеці-інваліды — да 18 гадоў), могуць быць задзейнічаны ў такіх работах толькі з іх пісьмовай згоды.
Маці, выхоўваючыя дзіця-інваліда, па іх заяве штомесяц маюць права на адзін дадатковы свабодны ад работы дзень з аплатай у памеры сярэдняга дзённага заробку за кошт сродкаў дзяржаўнага сацыяльнага страхавання. Акрамя таго гэтым жа маці, а таксама тым, якія выхоўваюць 3 і больш дзяцей ва ўзросце да 16 гадоў, па іх заяве прадастаўляецца 1 дадатковы свабодны ад работы дзень у тыдзень з аплатай у памеры сярэдняга дзённага заробку. Штомесяц 1 дадатковы свабодны ад работы дзень па заяве могуць выкарыстоўваць жанчыны, якія выхоўваюць 2 дзяцей ва ўзросце да 16 гадоў.
З абараняецца адмаўляць жанчынам у заключэнні працоўнага дагавору і змяншаць ім заработную плату па матывах, звязаных з цяжарнасцю або наяўнасцю ў іх дзяцей ва ўзросце да 3 гадоў, а адзінокім маці — з наяўнасцю дзіцяці ва ўзросце да 14 гадоў (дзіцяці-інваліда — да 18 гадоў). Скасаванне працоўнага дагавору па ініцыятыве наймальніка з такой катэгорыяй жанчын не дапускаецца, акрамя выпадкаў ліквідацыі арганізацыі, спынення дзейнасці індывідуальнага прадпрымальніка.
П ры заключэнні кан-
тракта з жанчынай, працоўны дагавор з якой быў заключаны на няпэўны тэрмін, прадаўжэнні альбо заключэнні новага кантракта, тэрмін яго дзеяння вызначаецца наступным чынам: з працуючай жанчынай, якая знаходзіцца ў водпуску па цяжарнасці і родах, а таксама з маці, якая знаходзіцца ў водпуску па догляду за дзіцяці да дасягнення ім узросту 3 гадоў,— не менш, чым да заканчэння ўказаных водпускаў.
Наймальнік са згоды жанчыны-маці, прыступіўшай да работы да пачатку ці пасля заканчэння водпуску па догляду за дзіцяці да дасягнення ім узросту 3 гадоў, абавязаны прадоўжыць (заключыць новы) кантракт на тэрмін не менш чым да дасягнення дзіцяці ўзросту 5 гадоў.
Алена ЛЯНКЕВІЧ,
начальнік упраўлення па працы, занятасці
і сацыяльнай абароне райвыканкама.