У мінулую суботу прайшлі раённыя спаборніцтвы па дартсе сярод калектываў фізічнай культуры раёна. Аб гэтым рэдактару інтэрнет-рэсурса «Кіраўца» паведаміў старшыня фізкультурна-спартыўнага клуба Кіраўскага раёна Віктар Бялянаў. Да ўдзелу падалі заяўкі 7 каманд, паміж якімі і разгарнулася барацьба за перамогу.

У асабістым заліку сярод мужчын больш за ўсіх ачкоў — 518 — “выбіў” Яўген Пішчалін. Другі рэзультат — 442 ачкі — паказаў Валерый Галомзік. Трэці паказчык — 432 ачкі — у аўтара гэтых радкоў.

Сярод жанчын самай трапнай ў кідках па мішэні была Вікторыя Шкуратава: на яе рахунку — 253 ачкі. На другой пазіцыі з 206 ачкамі аказалася Алена Яскевіч. Трэці рэзультат дня  — у Святланы Стэфаненка.

У агульнакамандным заліку перамогу святкавалі прадстаўнікі аддзела адукацыі, спорту і турызму райвыканкама, якія ў суме набралі 939 ачкоў. Другое месца заняла каманда ААТ “Рассвет імя К.П.Арлоўскага”, на рахунку якіх 834 балы. На трэцюю прыступку п’едэстала гонару з 736 ачкамі ўзнялася каманда дзіцяча-юнацкай спартыўнай школы.

Пасля 7 праведзеных відаў, набраўшы 344 ачкі, лідзіруе ў Спартакіядзе аддзел адукацыі, спорту і турызму райвыканкама. Вялікікя шанцы на перамогу ў рассветаўцаў, якія адстаюць ад першага месца усяго на 5 балаў. “Завязалася” барацьба і за трэцяе месца: ДЮСШ і Жыліцкі сельгаскаледж набралі адпаведна 232 і 222 ачкі.

Магчыма, штосьці праясніць наступны від — стрытбол, — спаборніцты па якім пройдуць напрыканцы верасня.