У раённых спаборніцтвах па мнагаборству “Здароўе” дзяржаўнага фізкультурна-аздараўленчага комплексу прынялі ўдзел 6 каманд калектываў фізічнай культуры раёна. Аб гэтым рэдактару інтэрнет-рэсурса рэдакцыі “Кіраўца” расказаў старшыня фізкультурна-спартыўнага клуба раёна Віктар Бялянаў. Сваіх прадстаўнікоў накіравалі аддзел адукацыі, спорту і турызму райвыканкама, ААТ “Рассвет імя К.П.Арлоўскага”, ДЮСШ, ліцэй №15, Жыліцкі сельгаскаледж і цэнтральная райбальніца.

Спаборніцтвы праводзіліся ў пяці ўзроставых групах сярод мужчын і жанчын. У агульнакамандным заліку перамогу святкавала зборная аддзела адукацыі, спорту і турызму райвыканкама, удзельнікі якой у суме набралі 468 балаў. Восем пунктаў ёй уступіла каманда “Рассвета”. Трэцяе месца з 348 баламі занялі спартшколаўцы.

У асабістым заліку шэраг удзельнікаў паказалі высокія рэзультаты, асабліва гэта ўдалося некалькім жанчынам.

Ва ўзроставай катэгорыі 50 гадоў і старэй пераможцай сярод жанчын стала Вера Гаўрылава, якая набрала 49 балаў з 50 магчымых (усе адзнакі — 10 балаў і адна 9 (!)). Другое і трэцяе месцы адпаведна занялі Наталля Букатая і Галіна Фралова. У мужчын перамогу святкаваў Мікалай Галавач з рэзультатам 33 балы. Другі вынік паказаў Фёдар Індзюхін, трэці рэзультат — у Анатоля Клімовіча.

У катэгорыі 40 — 49 гадоў 58 ачкоў з 60 магчымых набрала Алена Яскевіч, якая і стала чэмпіёнкай. Толькі тры балы ёй уступіла Вольга Бутарава. Замкнула тройку прызёраў Ніна Бяляўская. У мужчын такога ж узросту першынстваваў Андрэй Бяляўскі (51 бал). За ім размеркаваліся Міхаіл Міхайлюк і Юрый Дзятлаў.

Сярод жанчын ва ўзросце 30 — 39 гадоў першае месца заняла Настасся Русанава (58 балаў з 60 магчымых). Усяго два балы не хапіла да такога ж выніку Вользе Пішчалінай, якая стала другой. Трэці рэзультат на рахунку Вольгі Макаронак. У мужчын перамога была за Яўгенам Пішчаліным — 52 балы. Другую і трэцюю прыступку п’едэсталу гонару занялі Васіль Цітарэнка і Аляксандр Каранкевіч.

Настасся Панасенка, набраўшы 57 ачкоў з 60 магчымых, першынствавала ва ўзроставай катэгорыі 23 — 29 гадоў. Другі трэці рэзультаты адпаведна паказалі Настасся Габрусь і Алена Лазаковіч. У мужчын гэтай узроставай катэгорыі перамогу атрымаў Максім Хамічэнка (50 балаў). Другое і трэцяе месцы адпаведна заваявалі Віктар Бялянаў і Павел Белахвостаў.

Тройка пераможцаў-жанчын ва ўзроставай катэгорыі 19 — 22 гады выглядае наступным чынам: Марына Чабатар (52 балы), Святлана Каўрыга і Юлія Абрамовіч. Мужчыны на п’едэстале гонару размеркаваліся так: Іван Сімановіч (59 балаў), Сяргей Дрозд і Арцемій Дрозд.

Высокія паказаныя спартыўныя рэзультаты Веры Гаўрылавай, Алены Яскевіч, Настассі Русанавай, Настассі Панасенка адпраўлены ў Магілёў для разгляду на прысваенне нагрудных знакаў “Здароўе і прыгажосць”. Іх прысвойваюць спартсменам-аматарам, якія выканалі нарматывы дзяржаўнага фізкультурна-аздараўленчага комплексу на 9 і 10 балаў.