Ацяпляльны сезон 2020-2021 падыходзіць да свайго лагічнага завяршэння. Надвор’е ў мінулую зіму было даволі непрадказальным: пэўныя дні тэмпература паветра радавала “плюсамі”, а ў некаторыя – палохала 30-градуснымі маразамі і моцнымі снегападамі. Нягледзячы на гэта, спажыўцы цеплавой энергіі, якую прадастаўляе жыхарам раёна УКП “Жылкамгас”, адчувалі цеплыню ў дамах і кватэрах, у арганізацыях і ўстановах, на сацыяльных аб’ектах. Адказнымі за бесперабойную падачу цяпла былі майстры і аператары кацельнай гаспадаркі, якія паспяхова выканалі пастаўленыя перад імі задачы.

У камфортных умовах падчас ацяпляльнага сезону працавалі работнікі райбальніцы, а іх пацыенты праходзілі лячэнне і медыцынскія працэдуры. Паклапаціліся пра цеплыню ў кабінетах і палатах аддзяленняў аператары кацельні, якая абслугоўвае медустанову.
Працэс ацяплення аб’ектаў аховы здароўя ажыццяўляецца кругласутачна: працуюць на кацельні “ЦРБ” пазменна 6 аператараў і 2 слесары па рамонце кацельні. Курыруе і кантралюе работу спецыялістаў і бесперабойную падачу цяпла майстар Мікалай Кед.

Напярэдадні Дня работнікаў бытавога абслугоўвання насельніцтва і жыллёва-камунальнай гаспадаркі мы сустрэліся з дырэктарам УКП “Жылкамгас” Юрыем КІСЯЛЁВЫМ і папрасілі яго расказаць аб рабоце калектыву:

– Не памылюся, калі скажу, што ад добрасумленнай і зла­джанай дзейнасці камунальні­каў у значным сэнсе залежаць дабрабыт, камфорт і добры настрой жыхароў раёна.
Штодня праводзім добраўпарадкаванне горада і дваровых тэрыторый, займаемся вытворчасцю і рэалізацыяй цеплавой энергіі, абслугоўваннем жыллёвага фонду, кацельняў і цеплатрас. Сярод іншых відаў дзейнасці – рамонтна-будаўнічая вытворчасць, сантэхнічныя, электрамантажныя работы, аказанне рытуальных і транспартных паслуг і іншае.
Калектыў нашага прадпрыемства сустракае прафесійнае свята з добрым настроем. З нядрэннымі паказчыкамі ў фінансава-гаспадарчай дзейнасці завяршылі мінулы год: выручка ад рэалізацыі прадукцыі, тавараў, работ і паслуг на аднаго сярэднеспісачнага работніка (да адпаведнага перыяду 2019 года) склала 105,8%, прыбытак ад рэалізацыі – 210 тыс. руб.
(+89,2% да ўзроўню 2019 го­да). Тэмп росту заработнай платы да аналагічнага перыяду 2019 года склаў 104,6%.
На балансе прадпрыемства 191 жылы дом, з іх 6 інтэрнатаў і 97 шматкватэрных дамоў, 22 кацельні, з якіх 18 працуюць на мясцовых відах паліва, 50,7 км цеплавых сетак, 221 км дарог (з іх 65 км у горадзе), 22,44 км тратуараў.
Пастаянна працуем над зніжэннем затрат на аказанне жыллёва-камунальных паслуг насельніцтву. Надаецца ўвага пытанням энергазберажэння, павелічэння інвестыцый у асноўны капітал.
Паспяхова справілася з пастаўленымі задачамі ў бягучы ацяпляльны сезон асноўная галіна прадпрыемства – кацельная гаспадарка. Яе работнікі прадпрымалі ўсе намаганні, каб на належным узроўні забяспе­чыць цяплом жылы сектар, установы і арганізацыі, сацыяльныя аб’екты. Праводзімая работа па мадэрнізацыі цеплавой гаспадаркі дае станоўчыя вынікі, а выкарыстанне мясцовых відаў паліва дазваляе эканоміць нятанныя энергетычныя рэсурсы. Летась праведзена рэ­канструкцыя 2,5 км цеплавых сетак, што дазваляе значна зменшыць цепластраты.
Увагу надаем эстэтычнаму выгляду жылых будынкаў горада і сельскіх населеных пунктаў. У мінулым годзе ўведзена пасля капітальнага рамонту 2,066 м2 жылых дамоў (план выкананы на 100%). Сёлета гэтыя работы будуць працягнуты.
Сярод нашых асноўных задач – падтрыманне чысціні і парадку ў горадзе, сельскіх населеных пунктах. Вось і зараз, з надыходам цёплых веснавых дзён, пачынаем займацца ямачным рамонтам пакрыцця вуліц. Праводзім ачыстку вуліц і дваравых тэрыторый, вывозім смецце, ліквідуем стыхійныя звалкі. Штогод выконваем работы па ўпрыгожванні горада, для чаго афармляем кампазіцыі з дапамогай вялікай колькасці рознакаляровых кветак, вырашчаных уласнымі сіламі.
За ўсімі нашымі дасягненнямі стаіць штодзённая, часта кругласутачная праца зладжанага калектыву. Многія работнікі прысвяцілі жыллёва-камунальнай гаспадарцы не адзін дзясятак год. Гэта той касцяк, з якім па сілах выкананне пастаўленых задач. Ёсць і працоўныя дынастыі. Прыемна, што на змену ветэранам-камунальнікам прыходзяць дастойныя маладыя кадры, якія імкнуцца ўносіць у работу штосьці новае.
З нагоды прафесійнага свята вядучы інжынер па арганізацыі эксплуатацыі і рамонце будынкаў і збудаванняў Сяргей Чабан удастоены Ганаровай граматы ўпраўлення жыллёва-камунальнай гаспадаркі Магілёўскага аблвыканкама. Рабочая па комплексным абслугоўванні будынкаў і збудаванняў Алена Кісялёва – Ганаровай граматы дзяржаўнага аб’яднання “Жыллёва-камунальная гаспадарка Магілёўскай вобласці”.
Ганаровай граматай райвыканкама будзе ўзнагароджана галоўны бухгалтар Наталля Вароніч, Падзячнымі пісьмамі – машыніст кацельні Міхаіл Амбрасёнак і трактарыст Аляксандр Казека. Ганаровая грамата раённага Савета дэпутатаў будзе ўручана майстру Сяргею Хлапкову, Падзячнае пісьмо – аператару кацельні Дзянісу Сухараву.
Да прафесійнага свята плануем адзначыць граматамі і падзякамі УКП “Жымкамгас” шэраг нашых дастойных працаўнікоў, якія сваёй добрасумленнай працай уносяць значны ўклад у паляпшэнне якасці аказваемых камунальных паслуг. Так, граматамі будуць адзначаны – трактарыст Андрэй Бокач, машыністы кацельні Максім Лук’янаў, Яўген Шынкарэнка, Уладзімір Варанчукоў, грузчык Юрый Шыбкоў, рабочыя па комплекснай уборцы і ўтрыманні домаўладанняў Аксана Кавалёва, рабочы Аляксей Зейдзін, майстар Вячаслаў Кулагін, сартыроўшчык другаснай сыравіны Ірына Салановіч, аператар дыспетчарскай службы Маргарыта Нічкасава, вадзіцель Валерый Дашкевіч і цеплатэхнік Алена Мацюшонак.
Хочацца спадзявацца, што ўсе паслугі, якія мы прадастаўляем: цяпло і святло ў дамах, добраўпарадкаваны, квітнеючы, чысты горад і сельскія населеныя пункты – будуць і ў далейшым прыносіць жыхарам Кіраўшчыны задавальненне.
Падрыхтавала Людміла СЯМЁНАВА.
Фота Максіма МІКЕШЫНА.