Грошы любяць разумных людзей
Такі надпіс размешчаны на дыпломе, які заваяваў на абласным этапе рэспубліканскай алімпіяды па фінансавай граматнасці вучань 10 класа нашай гімназіі Павел Хурсаў.
Абласны этап алімпіяды прайшоў у Магілёве. Удзел у ім прынялі каля васьмідзесяці пераможцаў раённых і гарадскіх этапаў з усёй вобласці. Алімпіядныя заданні ўключалі ў сябе 29 пытанняў, а таксама творчую работу на тэму “Як фінансавая граматнасць уплывае на развіццё эканомікі краіны?” Павел выступіў дастойна і, набраўшы 84 ачкі, заняў ганаровае другое месца. Ён атрымаў дыплом адпаведнай ступені і каштоўныя падарункі ад устаноў банкаў.
Зараз Павел рыхтуецца да ўдзелу ў заключным этапе алімпіяды, які пройдзе ў бягучым месяцы. Пажадаем яму паспяховага выступлення!
Алена КАРАНКЕВІЧ, намеснік дырэктара гімназіі г.Кіраўска па вучэбнай рабоце.
