Усё больш упэўнена і гучна заяўляе аб сабе былая выхаванка Кіраўскай ДЮСШ, а зараз навучэнка рэспубліканскага вучылішча алімпійскага рэзерву Аксана Салаўёва. Днямі яна стала пераможцай міжнародных спаборніцтваў сярод юніёраў, якія праходзілі ў Сколкава, што ў Польскай рэспубліцы.

А крыху раней, напачатку верасня Аксана стала чэмпіёнкай краіны на трэку сярод юніёраў. Разам з сяброўкамі па камандзе, таксма былымі выхаванкамі Кіраўскай ДЮСШ Надзеяй Свірковай і Марынай Кучынскай, яна ж стала пераможцай у каманднай гонцы праследавання.

Сёлета ў Аксаны былі яшчэ важныя старты, дзе яна выступіла вельмі дастойна. На юніёрскім Чэмпіянаце Еўропы кіраўчанка заняла 6 месца. А на Чэмпіянаце свету стала дзясятай. Наогул Аксана з’яўляецца зараз “першым колам” — кандыдатам №1 у маладзёжную зборную краіны.

Сяргей КЛІМОВІЧ, старшы трэнер аддзялення веласпорту Кіраўскай ДЮСШ.