Кіраўчане прымалі ўдзел у абласным конкурсе аператараў па штучным асемяненні
На мінулым тыдні на базе навучальнага цэнтра аблсельгасхарчу ў г.Горкі прайшоў XVI абласны конкурс аператараў па штучным асемяненні буйной рагатай жывёлы, у якім прынялі ўдзел і прадстаўнікі нашага раёна.
Конкурс складаўся з двух этапаў: тэстаў і вусных адказаў на пытанні кампетэнтнага журы.
Дарэчы, для канкурсантаў не было нічога новага: падобныя выпрабаванні кожны з іх прайшоў у сваіх раёнах падчас правядзення конкурсаў па штучным асемяненні БРЖ. Пераможцам і выпаў гонар прадстаўляць свае рэгіёны на вобласці.
Пры падвядзенні вынікаў, акрамя тэстаў і вусных адказаў пра цыкл работ пры падрыхтоўцы і правядзенні асемянення кароў, таксама ўлічваліся паказчыкі работы тэхнікаў-асемянатараў на працягу года: выхад цялят і вядзенне неабходнай дакументацыі.
Тэхнікі-асемянатары атрымалі магчымасць пабываць на лекцыі “Метады і спосабы павышэння рэпрадуктыўнай здольнасці БРЖ”, якую правёў доктар ветэрынарных навук, прафесар Рыгор Мядзведзеў.
Надышоў час падвядзення вынікаў конкурсу. Генеральны дырэктар РУСВП “Магілёўскае Джяржплемпрадпрыемства” Віктар Віткоўскі ўзнагародзіў пераможцаў граматамі і каштоўнымі падарункамі ў розных намінацыях. Так, званне “Самы малады спецыяліст” атрымаў тэхнік-
асемянатар з КСУП “Барчыцы-агра” Васіль Фядотаў, таксама спецыяліст быў узнагароджаны Ганаровымі граматамі дзяржаўнага аб’яднання па племянной жывёлагадоўлі “Белплемжыўаб’яднання” за высокія паказчыкі ў рабоце і РУСВП “Магілёўскае Джяржплемпрадпрыемства” за добрасумленную працу і павышэнне эфектыўнасці грамадскага статку.
Ганаровай граматай РУСВП “Магілёўскае Джяржплемпрадпрыемства” за добрасумленную працу, высокую нагрузку і павышэнне эфектыўнасці грамадскага статку адзначаны тэхнік-асемянатар з ААТ “Рассвет імя К.П.Арлоўскага” Сяргей Стральцоў.
У ліку лепшых урачоў-гінеколагаў каштоўным падарункам быў адзначаны ўрач-гінеколаг райветстанцыі Юрый Гушчын.