Кіраўчане атрымалі ўзнагароды за высокія спартыўныя дасягненні
На базе Магілёўскага прафесійнага электратэхнічнага каледжа прайшоў урачысты сход па выніках выступлення зборных каманд вобласці па відах спорту на Рэспубліканскай спартакіядзе школьнікаў у 2017 годзе і падвядзенни вынікаў абласных круглагадовых спартакіяд сярод устаноў адукацыі.
У мерапрыемстве прынялі ўдзел намеснік старшыні Магілёўскага ааблвыканкама Андрэй Кунцэвіч, начальнік упраўлення адукацыі аблвыканкама Уладзімір Рыжкоў, начальнік упраўлення спорту і турызму аблвыканкама Віктар Сцяпанаў, дырэктар абласнога цэнтра фізічнага выхавання і спорту навучэнцаў і студэнтаў Аляксандр Шайтораў.
На ўрачыстай цырымоніі Ганаровымі граматамі былі ўзнагароджаны трэнеры-выкладчыкі, прадстаўнікі ўстаноў сярэдне-спецыяльнай і прафтэхадукацыі, дзіцяча-юнацкіх спартыўных школ, якія дабіліся найлепшых рэзультатаў. Нагадаем, што ў Рэспубліканскай спартакіядзе школьнікаў-2017 Магілёўшчына заваявала 2 месца.
Узнагародамі адзначаны і прадстаўнікі Кіраўшчыны. Ганаровыя граматы за шматгадовую плённую працу, высокі прафесіяналізм і значны асабісты ўклад у развіццё фізічнай культуры і спорту Магілёўскай вобласці Уладзімір Рыжкоў урычыў дырэктару Кіраўскай ДЮСШ Сяргею Клімовічу і трэнеру аддзялення веласпорту спартшколы Юрыю Цішкову. Абодва падрыхтавалі і перадалі ў вышэйшае звяно значную колькасць перспектыўных велагоншчыкаў, якія паспяхова выступалі і выступаюць на прэстыжных спаборніцтвах нацыянальнага і сусветнага ўзроўню.
Кубак і Ганаровая грамата былі таксама ўручаны начальніку адзела адукацыі, спорту і турызму райвыканкама Наталлі Траццяковай за 3 каманднае месца школьнікаў Кіраўшчыны ў абласной круглагадовай спартакіядзе школьнікаў-2017.
Фото с сайта https://mogilevnews.by