Прысуджана спецыяльная прэмія “Чалавек года”

Прыемная навіна прыйшла днямі ў наш раён: сярод саіскальнікаў спецыяльнай прэміі Магілёўскага аблвыканкама “Чалавек года” па выніках 2015 года ў намінацыі “вытворчая дзейнасць” указаная прэмія прысуджана аператару машыннага даення СВК “Рассвет” імя К.П.Арлоўскага Валянціне Клімовіч.
У мінулым годзе на кожную фуражную карову даярка надаіла па 7092 кг малака, павялічыўшы надой на 115 кг да ўзроўню папярэдняга года. Уся прадукцыя атрымана класам “экстра” і вышэйшым гатункам.
Добрасумленная і адказная праца Валянціны Клімовіч высока ацэнена на дзяржаўным узроўні: летась да медалі “За працоўныя заслугі” дабавіўся ордэн Пашаны, які наша зямлячка атрымала з рук Прэзідэнта Рэспублікі Беларусь.