У Магілёве прайшлі абласныя спаборніцтвы па шахматах у праграме Спартакіяды школьнікаў. На працягу 4-х дзён 15 каманд з абласнога і раённых цэнтраў выяўлялі мацнейшых у старажытнай індыйскай гульні, якая перарасла ў захапляльны від спорту.

Наш раён прадстаўляла зборная лепшых юных шахматыстаў па выніках раённых спаборніцтваў, у якую ўвайшлі трое вучняў СШ №1 — Аляксей Бодык, Настасся Бялянава, Максім Жукоўскі — і прадстаўнік Мышкавіцкай СШ Валянцін Бародзіч.

На працягу 8 тураў выяўляліся мацнейшыя ў камандах. Чацвёркі шахматыстаў змагаліся са сваімі візаві. Падапечныя трэнера Барыса Гаўрыленкі ў шахматных баталіях атрымалі 5 перамог, аднойчы згулялі ўнічыю і дзве саступілі (будучым пераможцам і сярбраным прызёрам з Магілёва і Бабруйска). З такімі вынікамі кіраўчане занялі трэцяе месца, што ў канкурнцыі з вышэй названымі зборнымі найбуйнешых гарадоў вобласці каштуе вышэйшай узнагароды!..

Найбольшы ўклад у агульную скарбонку ўнеслі Настасся Бялянава і Аляксей Бодык, якія перамаглі сваіх сапернікаў па 6 разоў.

З Магілёва прызёры з Кіраўшчыны вярнуліся з медалямі і Ганаровымі граматамі.