«Нашы дэпутаты — дзейныя людзі»

vubory22

Дэпутацкі корпус Скрыпліцкага сельскага Савета дэпутатаў на сённяшні дзень складаецца з 14 дэпутатаў.
На тэрыторыі сельсавета размешчана 13 населеных пунктаў.
Аб напрамках работы дэпутатаў Скрыпліцкага сельскага Савета дэпутатаў рассказала яго старшыня Жанна Рышкевіч:
— Асноўная наша задача рашэнне надзённых праблем грамадзян, якія пражываюць на тэрыторыі сельсавета і паляпшэнне ўмоў іх жыцця. Важным у вырашэнні гэтай задачы, з’яўляецца цеснае ўзаемадзеянне і непасрэдныя зносіны з насельніцтвам праз работу дэпутатаў у выбарчых акругах.
Дэпутаты даносяць да сяльчан тыя рашэнні, якія прымаюцца раённымі і сельскімі Саветамі дэпутатаў. Гэта дае магчымасць людзям уносіць свае за-ўвагі і прапановы пры прыняцці рашэнняў, якія датычацца жыццядзейнасці раёна, быць у курсе ўсіх значных падзей, прымаючы ў іх актыўны ўдзел.
Нашы дэпутаты — гэта людзі, якія ведаюць надзённыя праблемы насельніцтва ў першую чаргу таму, што яны самі ў большасці сваёй — мясцовыя жыхары.
Адным з важных напрамкаў работы з’яўляецца добраўпарадкаванне населеных пунктаў па месцы жыхарства і па месцы працы.
Эфектыўна і своечасова сельскім Саветам вырашаюцца практычна ўсе праблемы, якія наспяваюць на месцах, прымаюцца неабходныя меры. Гаворка ідзе перш за ўсё аб падтрыманні санітарнага парадку, асвятленні вуліц, вывазе смецця, рамонце дарог, добраўпарадкаванні вуліц і населеных пунктаў, выдалення дрэў, уборцы могілак, утрыманні грама-дзянамі ў чысціні прыдамавых тэрыторый.
Напрыклад, жыхарка в. Капусціна Вольга Шашанка, з’яўляючыся дэпутатам сельскага Савета, настойліва працуе па прыцягненні сродкаў і сіл насельніцтва да добраўпарадкавання вёскі і могілак. Па яе ініцыятыве і пры актыўнай падтрымцы жыхароў вёскі быў вясной арганізаваны суботнік і афарбавана агароджа могілак, яны былі акультураны, прыведзены ў належны стан.
Нельга не адзначыць, што самі жыхары падтрымліваюць любыя ідэі мясцовай улады па навядзенні парадку.
Вялікая ўвага надаецца і рабоце з сацыяльна няўдачнымі сем’ямі. Праводзіцца работа з сем’ямі, у якіх дзеці знаходзяцца ў сацыяльна небяспечным становішчы, з сем’ямі састарэлых бацькоў, якія пражываюць з непрацуючымі дзецьмі працаздольнага ўзросту, схільнымі да злоўжывання алкаголем. Асаблівая ўвага надаецца адзінокім і адзінока пражываючым грамадзянам, мнагадзетным сем’ям і інвалідам.
У гэтым напрамку хочацца адзначыць работу дэпутатаў па Скрыпліцкай выбарчай акрузе №2 Святланы Белаглазавай і па Капусцінскай выбарчай    акрузе №8 Галіны Валькевіч. Чулыя, спагадлівыя, адказныя, яны заўсёды прыдуць на дапамогу, пад- трымаюць.
Для больш глыбокага вывучэння праблем, якія хвалююць насельніцтва, адзін раз у месяц дэпутаты праводзяць асабісты прыём грамадзян у выбарчых акругах з наступным інфармаваннем кіраўніцтва сельскага Савета аб грамадска-значных пытаннях. Ва ўсіх населеных пунктах вызначаны месцы для арганізацыі прыёму грамадзян. Да ведама насельніцтва даведзены графікі і час прыёму.
Падчас выбарчай кампаніі ў мясцовыя Саветы дэпутатаў, якія адбудуцца 23 сакавіка, хацелася б звярнуцца да ўсіх выбаршчыкаў раёна з заклікам, каб яны прыйшлі 23 сакавіка на выбары, выканаўшы свой грамадзянскі абавязак, аддалі свой голас за таго кандыдата ў дэпутаты, які, на іх думку, з’яўляецца найбольш дастойным.
Размаўляла Анастасія БЕГУНОВІЧ.

Добавить комментарий

Ваш адрес email не будет опубликован.