У мінулую суботу ў райцэнтры на вул. Ленінскай было шматлюдна: з самай раніцы тут ішоў жвавы гандаль. Прапанаваную сельгасарганізацыямі, райспажыўтаварыствам, прыватнікамі разнастайную прадукцыю — збожжа, бульбу, капусту, моркву, цыбулю — пакупнікі набывалі з задавальненнем.

Усяго паўгадзіны спатрэбілася прадстаўнікам РАПТЗ, каб прадаць прывезеныя 2 т пшаніцы. Гараджане шпарка разбіралі ячмень з аўтамашын СВК “Бераснёўскі” і СВК “Калгас “Ніва”. Доўгая чарга была каля прылаўка райспажыўтаварыства.
Не праходзілі пакупнікі міма прадукцыі Жыліцкага сельгаскаледжа: засяроджана выбіралі саджанцы пладовых дрэў, ды і самі яблыкі куплялі з ахвотай. Тое, як ішоў гандль, кантралявала намеснік старшыні райвыканкама Алена Пекліна.

Набытую прадукцыю ўсе жадаючыя змаглі даставіць дадому дзякуючы аўтатранспарту, выдзеленаму для гэтых мэт райспажыўтаварыствам.
Стваралі прыўзняты настрой усім прысутным на кірмашы сваімі музычнымі нумарамі культработнікі.
Усе засталіся задаволеныя — і прадаўцы, і пакупнікі. Спадзяемся, што на наступных кірмашах усе жадаючыя набудуць сельгаспрадукцыю ў дастатковай колькасці.
Восеньскія кірмашы, праводзімыя ў Кіраўску, сталі ўжо традыцыйнымі, яны карыстаюцца папулярнасцю ў жыхароў.

Паставілі на продаж прадукцыю і прыватнікі: саджанцы, кустоўе, яблыкі, гатунковую бульбу, кусты восеньскіх кветак. Г.Я.Сцепчанка гасцінна прапаноўвала натуральны мёд з уласнай пчалапасекі, сакавітыя яблыкі. З задавальненнем набывалі кіраўчане саджанцы пладовых дрэў у жыхара а/г Жылічы В.А.Герасімовіча.

Фота
Людмілы Сямёнавай.