Лепшыя аператары машыннага даення за 2014 год

_MG_5911

На ўрачыстым мерапрыемстве былі ўзнагароджаны лепшыя аператары машыннага даення кароў за 2014 год.

У намінацыі сярод аператараў машыннага даення кароў у даільных залах пераможцамі прызнаны Наталля НАВУМЕНКА і Зоя СЕНЧУКОВА з СВК “Чырвоны баец”, якія надаілі на адну фуражную карову 7812 кг малака, павялічыўшы надой на 412 кг у параўнанні з 2013 г. Усё малако аператары атрымалі гатункам “экстра” і вышэйшым. Яны ўзнагароджаны дыпломамі райвыканкама і грашовымі прэміямі ў памеры 8 б.в. кожная.
Другое месца заняла Валянціна КЛІМОВІЧ з СВК “Рассвет” імя К.П.Арлоўскага: на адну фуражную карову яна надаіла 6977 кг малака (+803 кг да папярэдняга года), 94% прадукцыі атрымана гатункам “экстра” і вышэйшым. Ёй уручаны дыплом райвыканкама і грашовая прэмія ў памеры 6 б.в.
Аператару машыннага даення кароў Галіне ЛЁГКАЙ з СВК “Рассвет” імя К.П.Арлоўскага, надаіўшай 6932 кг (+803 кг да 2013 г.), 94% малака атрымана гатункам “экстра” і вышэйшым, уручаны дыплом райвыканкама і грашовая прэмія ў памеры 4 б.в.
У намінацыі сярод аператараў машыннага даення кароў у лінейны малакаправод лепшых вынікаў дабілася Кацярына АМБРАСЁНАК з СВК “Рассвет” імя К.П.Арлоўскага: на адну фуражную карову яна надаіла 8079 кг малака (+1532 кг), 88% прадукцыі атрымана гатункам “экстра” і вышэйшым. Ёй прысуджана першае месца, уручаны дыплом райвыканкама і грашовая прэмія ў памеры 8 б.в.
На другім месцы — Жанна КІСЕЛЬ з райаграпрамтэхзабеспячэння, надаіўшая 7617 кг на адну фуражную карову і павялічыўшая паказчык папярэдняга года на 1007 кг. 93,6% малака атрымана гатункам “экстра” і вышэйшым. Ёй уручаны дыплом райвыканкама і грашовая прэмія ў памеры 6 б.в.
Трэцяе месца ў аглядзе-конкурсе прысу-джана Ніне ЛЯЎКОВІЧ з КСУП “Жылічы” (на здымку): яна надаіла на адну фуражную карову 7582 кг малака (+1021 кг да 2013 г.), 98,5% прадукцыі атрымала гатункам “экстра” і вышэйшым. Ёй уручаны дыплом райвыканкама і грашовая прэмія ў памеры 4 б.в.

Добавить комментарий

Ваш адрес email не будет опубликован.