“Мы — грамадзяне Беларусі!”

З 11 па 15 сакавіка ў краіне праходзіць Усебеларуская акцыя БРСМ “Мы — грамадзяне Беларусі!”, прымеркаваная да Дня Канстытуцыі Рэспублікі Беларусь.
Як паведаміў карэспандэнту БелТА першы сакратар ЦК ГА “БРСМ” Андрэй Белякоў, акцыя заклікана акцэнтаваць увагу на такой значнай падзеі ў жыцці 14-гадовага падлетка, як атрыманне пашпарта. “Важна стварыць умовы для надання належнага статусу і ўрачыстасці гэтай падзеі, усведамлення падлеткамі сэнсу і значнасці сваёй дзейнасці як грамадзяніна”, — адзначыў Андрэй Белякоў. Ён таксама дадаў, што пашпарт з’яўляецца асноўным і самым галоўным у жыцці грамадзяніна інструментам, які сведчыць яго асобу. Атрымаўшы пуцёўку ў дарослае жыццё — пашпарт грамадзяніна Беларусі — малады чалавек нясе адказнасць не толькі за ўласны лёс, але і за будучыню краіны.
Усебеларуская патрыятычная акцыя БРСМ працягвае адкрыты дыялог “Моладзь Беларусі: традыцыі і будучыня”.
Асноўнае мерапрыемства ў нашым раёне ў межах акцыі “Мы — грамадзяне Беларусі!” — урачыстая цырымонія ўручэння нацыянальных пашпартоў юным жыхарам Кіраўшчыны — выдатнікам вучобы, актывістам грамадскага жыцця з удзелам прадстаўнікоў раённай улады, ветэранаў вайны і працы, кіраўнікоў грамадскіх арганізацый, бацькоўскай грамадскасці. Акрамя таго, у межах акцыі запланавана правядзенне маладзёжнага флэшмоба.

_____________________

У школах раёна, ліцэі №15, Жыліцкім сельгаскаледжы наладжваюцца гадзіны інфармавання, падчас якіх рабяты знаёмяцца з артыкуламі дзеючай Канстытуцыі, правамі і свабодамі грамадзяніна Рэспублікі Беларусь, віктарыны, конкурсы плакатаў і іншыя мерапрыемствы, разлічаныя на павышэнне інфармаванасці рабят і дасканалага ведання сваіх законных правоў і абавязкаў.
У бібліятэках устаноў культуры, адукацыі аформлены тэматычныя выставы літаратуры. Так, цэнтральная бібліятэка прапануе адправіцца ў падарожжа па лесвіцы ведаў “Асноўны Закон краіны”. Дзіцячая бібліятэка запрашае наведвальнікаў пазнаёміцца з выставай-парадай “Усе маюць права ведаць аб праве”. Шмат разнастайных цікавых мерыпрыемстваў прапануюць сваім наведвальнікам сельскія бібліятэкі раёна: Мышкавіцкая — выставу-дыялог “Кожны мае права — кожны абавязаны”, Любоніцкая — прававую гадзіну “Канстытуцыя — Асноўны Закон жыцця”, Дабаснянская — “Законы будзем вывучаць — свае правы мы будзем ведаць”, Паўлавіцкая — гутарку-дыялог “Я — беларус, грамадзянін Сусвету!”, Стайкаўская — гадзіну прававых ведаў “Кастытуцыя ў жыцці чалавека”.
Разнастайныя мерапрыемствы за-планаваны ў клубных установах культуры: Стайкаўскі клуб запрашае наведвальнікаў на тэматычны вечар “Прыгожую зямлю, любімую зямлю мы Радзімаю нашай завем”, Скачкоўскі — на інфармацыйную гадзіну “Чалавек. Асоба. Грамадзянін”, Казуліцкі — на літаратурную гадзіну “Беларусь мая — родны край”, Хвайніцкі — на тэматычную выставу “Беларусь — мой гонар і слава”. На базе Баравіцкага СДК запланавана правядзенне гутаркі “Галоўны Закон краіны”, Дабаснянскага — інфармацыйнай гадзіны “Закон аднолькавы для ўсіх”, Пацава-Слабадскога — “Я — грамадзянін Беларусі!”, Скрыпліцкага — “Ваша будучыня — у вашых руках” і іншыя.

Добавить комментарий

Ваш адрес email не будет опубликован.