Вельмі насычанай і пазнавальнай для кіраўнікоў і спецыялістаў сельгасарганізацый раёна была праграма раённага семінара, які адбыўся на мінулым тыдні, у чацвер: на ім былі разгледжаны вынікі работы жывёлагадоўчай галіны раёна за 4 месяцы бягучага года, у тым ліку за красавік, з выездам на аб’екты СВК “Калгас “Ніва”, і дэталёва, грунтоўна, з запрашэннем вучоных, на базе райаграпрамтэхзабеспячэння былі абмеркаваны пытанні гатоўнасці сельгасарганізацый раёна да правядзення нарыхтоўкі кармоў-2015.
У рабоце гэтай часткі семінара прынялі ўдзел адказны па Кіраўскім раёне за нарыхтоўку кармоў, намеснік начальніка аддзела ветэрынарыі камітэта па сельскай гаспадарцы і харчаванні Магілёўскага аблвыканкама Уладзімір Брычкоў, дырэктар Цэнтра павышэння кваліфікацыі кіруючых работнікаў і спецыялістаў аблсельгасхарчу Якаў Яроцкі, начальнік аддзела кормавытворчасці, кармавых дабавак і біяпрадуктаў РУП “НПЦ НАН Беларусі па жывёлагадоўлі” Аляксандр Зіновенка.

Безумоўна, пытанні, вынесеныя на парадак дня семінара, былі арганічна звязаны паміж сабой: павышэнне эфектыўнасці работы жывёлагадоўчай галіны ў высокай ступені залежыць ад наяўнасці надзейнай і якаснай кармавой базы.
Н а чале са старшынёй райвыканкама Аляксандрам Бутаравым спецыялісты райсельгасхарчу, кіраўнікі сельгаскааператываў, галоўныя заатэхнікі і ветурачы гаспадарак, наведваючы аб’екты жывёлагадоўлі СВК “Калгас “Ніва”: МТК “Капусціна”, малочна-таварную ферму “Барсукі”, пераканаліся, што падыходы ў рабоце прыносяць істотныя рэзультаты. Былі прааналізаваны вынікі, атрыманыя ў цэлым па раёне і ў разрэзе асобных гаспадарак па розных напрамках галіны, закцэнтавана ўвага на праблемных пытаннях, пастаўлены задачы па ўдасканаленні дзейнасці (аб гэтым больш падрабязна — у наступным нумары газеты).
Д ля абмеркавання
пытанняў арганізацыі корманарыхтоўкі на вытворчай базе РАПТЗ да ўдзельнікаў семінара далучыліся галоўныя аграномы, інжынеры, эканамісты сельгасарганізацый.
Старшыня райвыканкама Аляксандр Бутараў, пачынаючы размову па надзённай тэме, падкрэсліў значнасць перыяду нарыхтоўкі кармоў і адзначыў, што першачарговая ўвага будзе надавацца своечасовасці яго правядзення і забеспячэнню якасці кармоў. Пытанне гатоўнасці да “зялёнага жніва” было разгледжана на пася-джэнні райвыканкама, а на семінары аб усіх нюансах можна даведацца непасрэдна на практыцы.