Званок апошні кліча ў далягляд…

_MG_6560

30 мая ва ўсіх установах адукацыі рэспублікі празвінеў апошні школьны званок. На ўрачыстых лінейках прагучалі словы ўдзячнасці настаўнікам, бацькам і вучням. На пачэсных месцах — галоўныя віноўнікі свята — адзінаццацікласнікі, якія апошні раз у якасці вучняў слухалі лірычнае гучанне школьнага званка. Безумоўна, кожны з выпускнікоў захавае ў памяці гэты святочны і ўрачысты момант, бо школьныя гады пакідаюць самыя светлыя і шчымлівыя ўспаміны ў жыцці кожнага з нас. 

Радасным і адначасова крышачку сумным святам стала ўрачыстая лінейка, прайшоўшая ў гімназіі горада. У гэты дзень тут сабраліся вучні і настаўнікі ўстановы, а таксама бацькі і родныя рабят, сябры і, канешне ж, ганаровыя госці. Сярод іх — старшыня раённага Савета дэпутатаў Надзея Каранкевіч (на здымку справа), начальнік аддзела адукацыі, спорту і турызму райвыканкама Таццяна Бяляўская, намеснік старшыні СВК “Рассвет” імя К.П.Арлоўскага Наталля Шапавалава і іншыя.
Ганаровае права ўзняць Дзяржаўны флаг Рэспублікі Беларусь было прадастаўлена пераможцы абласнога этапа навукова-доследных работ Лізавеце Басацкай і выпускніку 11 класа, пераможцы абласнога этапа конкурсу навукова-тэхнічнай творчасці вучняў саюзнай дзяржавы “Таленты ХХІ стагоддзя”, старшыні раённай арганізацыі беларускага маладзёжнага грамадскага аб’яднання выратавальнікаў і пажарных Кірылу Дразду.
Са святам апошняга званка прысутных сардэчна павіншавала старшыня раённага Савета дэпутатаў Надзея Каранкевіч.

Звяртаючыся да выпуснікоў, Надзея Каранкевіч пажадала ім зрабіць правільны і асэнсаваны выбар будучай прафесіі, які дапаможа ў далейшым кожнаму напоўніць жыццё карыснымі справамі, мноствам цікавых задум і творчых планаў. А ўсім астатнім вучням выказала пажаданне з карысцю правесці школьныя канікулы, адпачыць і аздаравіцца.
У 2014/2015 навучальным годзе вучні гімназіі з дапамогай сваіх настаўнікаў па выніках раённага этапа алімпіяд па вучэбных прадметах унеслі ў скарбонку дасягненняў гімназіі 63 дыпломы: гэта самы лепшы вынік сярод устаноў адукацыі раёна. 6 гімназістаў узнагаро-джаны дыпломамі па выніках абласных і рэспубліканскіх конкурсаў і алімпіяд.
У якасці падарунка за дасягнутыя поспехі, а таксама для папулярызацыі здаровага ладу жыцця ад імя райвыканкама Надзея Каранкевіч уручыла гімназіі і гімназістам сертыфікат на тэнісны стол, а таксама грашовую прэмію ад райспажыўтаварыства за 2-е месца ў конкурсе па збору другаснай сыравіны.
Ад СВК “Рассвет” імя К.П.Арлоўскага вялікая група рабят атрымала грашовыя прэміі за поспехі ў вучобе, навуковых, спартыўных і творчых дасягненнях.
Шчырыя словы ўдзячнасці адрасавала дырэктар гімназіі Галіна Русецкая сваім калегам за іх прафесіяналізм і цярпенне, рабятам — за выдатную вучобу, бацькам гімназістаў — за разуменне і падтрымку.
Цёплыя словы пажаданняў выпускнікам прагучалі ад першых настаўнікаў рабят С.М.Сафронавай і М.П.Іваніцкай, класнага кіраўніка С.М.Садоўнікава.
Ганаровае права даць апошні званок было прадастаўлена Антону Іваніцкаму і Віялеце Халатавай.
З рук адзінаццацікласнікаў у блакітнае неба ўзмылі рознакаляровыя паветраныя шары, якія сталі сімвалам развітання з самай цудоўнай парой — школьным жыццём.

Добавить комментарий

Ваш адрес email не будет опубликован.