У мінулую суботу на пляцоўцы каля раённага Дома культуры адбылося ўрачыстае адкрыццё раённай міжведамаснай прафілактычнай акцыі “Бяспечныя канікулы на карысць!” 

Вучняў СШ №1 і гімназіі города, настаўнікаў віталі начальнікі аддзела ідэалагічнай работы, культуры і па справах моладзі і аддзела адукацыі, спорту і турызму райвыканкама Андрэй Карпук і Таццяна Бяляўская. Яны пажадалі рабятам весела і з карысцю правесці вольны час, выдатна адпачыць, а таксама заклікалі хлопчыкаў і дзяўчынак прымаць актыўны ўдзел у арганізоўваемых для іх мерапрыемствах падчас веснавых канікулаў.
Затым вучні ўдзельнічалі ў флэш-мобе “Шчаслівае дзяцінства”.
Рабяты з задавальненнем адгадвалі загадкі, разам з казачнымі героямі адправіліся ў падарожжа на “Планету здароўя”, спыняючыся на станцыях “Распарадак дня”, “Спартыўная”, “Здаровае харчаванне”, “Водная”, “Стадыён здароўя”. Для ўдзельнікаў мерапрыемства былі наладжаны гульні, спартыўныя эстафеты — хлопчыкі і дзяўчынкі з радасцю прымалі ў іх удзел.
Думаецца, атрыманыя дзецьмі дзеля захавання здароўя веды, спартыўныя размінкі пойдуць ім на карысць.