Больш за чвэрць стагоддзя “Белаграпрамбанк” з’яўляецца неад’емнай часткай банкаўскай сістэмы краіны. Аб’ядноўваючы вопыт і багатыя традыцыі, ён быў і застаецца надзейнай апорай эканомікі краіны. Дзякуючы майстэрству і старанням кожнага работніка, банк пастаянна развіваецца, што дазваляе аказваць паслугі яго кліентам на самым высокім узроўні.
Свой уклад у агульныя дасягненні ўносіць і калектыў разлікова-касавага цэнтра №17 у г.Кіраўск філіяла ААТ “Белаграпрамбанк” Магілёўскае абласное ўпраўленне, які ўзначальвае Ала Елісеенка.
РКЦ №17 у раёне ўстанова запатрабаваная, аказвае шырокі спектр банкаўскіх паслуг: ад прыёму камунальных плацяжоў і валютна-абменных аперацый да выдачы крэдытаў і правядзення страхавых аперацый. У сваёй дзейнасці работнікі банка імкнуцца ўмацоўваць давер сваіх партнёраў і кліентаў, прапаноўваючы новыя банкаўскія прадукты і рэалізоўваючы значныя праекты.
Камунікабельнасць і абавязковасць супрацоўнікаў, уменне весці зацікаўлены дыялог і выбудоўваць узаемавыгадныя адносіны, тактоўнасць і ўважлівасць дазваляюць ім пастаянна павялічваць колькасць кліентаў установы, сярод якіх як фізічныя, так і юрыдычныя асобы. Немалаважны аспект стабільнасці і развіцця — надзейныя кадры. У РКЦ №17 больш за палову работнікаў ва ўзросце да 35 гадоў, але нягледзячы на гэта, усе — вопытныя і кампетэнтныя ў сваёй сферы спецыялісты.
Абслугоўваннем юрыдычных асоб займаецца аддзел кліенцкага менеджменту. Яго кіраўнік Вольга Катлінская (на здымку злева) і яе падначаленыя прыкладаюць усе намаганні, каб кожны, хто да іх звяртаецца атрымаў якаснае абслугоўванне і заставаўся не проста дзелавым партнёрам, а і верным сябрам банка. Дарэчы, Вольга Мікалаеўна з’яўляецца прадаўжальнікам банкаўскіх дынастый: яе бабуля Марыя Дзмітрыеўна Камароўская больш за 40 гадоў свайго жыцця адпрацавала ў тагачасным аддзяленні Белаграпрамбанка галоўным бухгалтарам.
Больш за 30 гадоў працуе спецыялістам сектара разлікаў Людміла Ткачова, якая прыйшла ў банкаўскую сферу пасля заканчэння Пінскага фінансава-эканамічнага тэхнікума.
Спецыялістамі высокага класа з’яўляецца калектыў аддзела рознічных паслуг, узначальвае які Лілія Каранкевіч (на здымку справа). Дзяўчаты заўсёды ветлівыя, кампетэнтныя ў розных пытаннях і здольныя зрабіць абслугоўванне прыватных кліентаў асаблівым.