У чарговы раз у Нацыянальным дзіцячым адукацыйна-аздараўленчым цэнтры “Зубраня” падчас снежаньскай змены праводзіўся чэмпіянат краіны па інтэлектуальных гульнях сярод ювеналаў “Кубак крыштальнага зубра”. Адпачывалі тут і прынялі ўдзел у спаборніцтвах розуму і прадстаўнікі нашага раёна. Гонар Кіраўшчыны абараняла каманда “С миру по нитке” Цэнтра дадатковай адукацыі дзяцей і моладзі.
Падапечныя трэнера Ігара Лукашова паказалі выдатную падрыхтоўку і заваявалі прызавыя месцы адразу ў дзвюх пазіцыях: у “Брэйн-рынгу” кіраўчане занялі другое месца, у“Сваёй гульні” — трэцяе. Медалі і дыпломы атрымалі ўдзельнікі каманды Уладзіслаў Манетаў, Ігар Манько, Аляксандр Бярозка, Вольга Чарушнікава з СШ №1 і прадстаўнікі СШ №2 імя К.П.Арлоўскага Валерыя Гарэлік і Лізавета Паўлава.
Але і гэта яшчэ не ўсё. За ўдалае выступленне каманда атрымала запрашэнне прыняць удзел у чэмпіянаце Еўропы, які ў наступным годзе пройдзе ў Гомелі!