Пад такой назвай сёння на Кіраўшчыне адбылося раённае свята першай баразны, якое дало старт сяўбе-2020, адказнай пары ў жыцці земляробаў і ўсіх, хто мае дачыненне да сялянскай працы і шчыра шануе яе.

[ngg_images source=”galleries” container_ids=”26″ exclusions=”696″ sortorder=”685,686,687,690,688,689,691,692,693,694,695,696,697″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”120″ thumbnail_height=”90″ thumbnail_crop=”1″ images_per_page=”20″ number_of_columns=”0″ ajax_pagination=”0″ show_all_in_lightbox=”0″ use_imagebrowser_effect=”0″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]Менавіта кіраўчане першымі на Магілёўшчыне распачалі такую важную сельскагаспадарчую кампанію, як сяўба.

Адбылося святочнае дзейства на палетках ААТ “Кіраўскае райаграпрамтэхзабеспячэнне” каля в.Курганы. Сюды прыбылі старшыня райвыканкама Міхаіл Гулы, яго першы намеснік – начальнік упраўлення па сельскай гаспадарцы і харчаванні Аляксандр Сухадольскі, старшыня камітэта па сельскай гаспадарцы і харчаванні Магілёўскага аблвыканкама Віктар Віткоўскі, дэлегацыі гаспадарак раёна на чале з кіраўнікамі, госці.

На святочна ўпрыгожанай пляцоўцы дзяўчаты ў нацыянальных касцюмах звонкай песняй уславілі старанную працу земляробаў.
Прысутных вітаў старшыня райвыканкама Міхаіл Гулы. Ён адзначыў, што да сяўбы збожжавых і зернебабовых раслін раён сур’ёзна падрыхтаваўся. Своечасова і якасна праводзяцца работы па рамонце тэхнікі, папрацавалі па ачыстцы, набыцці насення, мінеральных угнаенняў, маюцца надзейныя і кваліфікаваныя механізатарскія кадры.
Міхаіл Гулы павіншаваў усіх з пачаткам сяўбы і пажадаў плённай працы і багатага ўра­джаю.
Словы віншаванняў з пачаткам веснавых палявых работ адрасаваў аграрыям Віктар Віткоўскі, ён пажадаў кіраўчанам і ў будучым не здаваць лідзіруючых пазіцый.
Блаславіў земляробаў і іх высакародную працу настаяцель Косма-Даміянаўскага храма аг.Любонічы іерэй Максім Кірэеў.
Ганаровым гасцям свята, кіраўнікам сельгасарганізацый раёна былі паднесены духмяныя хлебныя караваі, як сімвал багацця і славы працаўнікоў Кіраўшчыны.
Дзяўчаты-вяснянкі паклалі на свежаўзараную раллю залацістыя вянкі з каласоў, завітых падчас леташняга жніва, каб новы ўраджай быў яшчэ больш багатым, а таксама ўтыкнулі ў глебу галінкі вярбы, якія згодна паданняў, павінны абараніць пасевы ад засухі, ліўняў і маланкі.
Ганаровае права пакласці першыя зярняткі ў глебу было прадастаўлена кіраўніцтву раёна, дырэктарам сельгасарганізацый, ганаровым гасцям, якія правялі абрад, узяўшы ў рукі рэшата з зярнятамі.
Эстафету сяўбы-2020 пераняў на магутным “Атлес” з сеялкай “Рабе” трактарыст-машыніст РАПТЗ, узнагароджаны медалём “За працоўныя заслугі”, Уладзімір Комар.
Сяўба пачалася! У добры шлях, земляробы, высокіх вам намалотаў і важкіх ура­джаяў!
Людміла СЯМЁНАВА.
Фота
Максіма МІКЕШЫНА.