Школьнікі адпачнуць і ўмацуюць здароўе
Пачынаючы з 31 кастрычніка па 5 лістапада ва ўсіх установах адукацыі раёна будуць працаваць лагеры з дзённым знаходжаннем для школьнікаў. Усяго падчас восеньскіх канікулаў аздараўленне пройдуць 200 рабят.
Арганізацыяй вольнага часу хлопчыкаў і дзяўчынак будуць займацца вопытныя педагогі. Штодня ў школах плануецца праводзіць розныя выхаваўчыя, развіваючыя і інтэлектуальна-забаўляльныя мерапрыемствы, цікавыя экскурсіі і сустрэчы. З мэтай прапаганды вядзення здаровага ладу жыцця рабяты будуць гуляць у валейбол, баскетбол, тэніс і інш.
Як і раней, першачарговае права на залічэнне ў лагеры з дзённым знаходжаннем для школьнікаў маюць дзеці-інваліды і дзеці з асаблівасцямі псіхафі-зічнага развіцця, а таксама рабяты з мнагадзетных, няпоўных, малазабяспечаных сем’яў, дзеці-сіроты, і тыя, хто знаходзіцца ў сацыяльна небяспечным стане або састаіць на рознага роду ўліку.
Для рабят будзе арганізавана трохразовае збалансаванае харчаванне з увядзеннем у рацыён вітаміннай прадукцыі, што разам з фізічнай актыўнасцю і прагулкамі на свежым паветры дазволіць хлопчыкам і дзяўчынкам значна ўмацаваць сваё здароўе.
На аздараўленне рабят, падчас іх знаходжання ў школьных лагерах, са сродкаў дзяржаўнага пазабюджэтнага фонду сацыяльнай абароны насельніцтва будзе зрасходвана 4296 рублёў.