Ветэрана Вялікай Айчыннай вайны Людмілу Іванаўну Манько з юбілеем павіншавала кіраўніцтва Кіраўскага раёна
Свой 95-гадовы юбілей ветэрану Вялікай Айчыннай вайны Людміле Іванаўне Манько давялося сустрэць у райбальніцы, дзе яна знаходзіцца на лячэнні. Але родныя, медыцынскі персанал агарнулі яе ўвагай, паклапаціліся, каб сталая жанчына не сумавала ў бальнічнай палаце.
Павіншаваць Людмілу Іванаўну Манько з юбілеем завіталі старшыня райвыканкама Аляксандр Бутараў, намеснік старшыні райвыканкама Таццяна Бяляўская, начальнік аддзела ідэалагічнай работы, культуры і па справах моладзі райвыканкама Андрэй Карпук, старшыня раённага Савета ветэранаў Эма Карпук разам з галоўным урачом райбальніцы Аленай Круцько.
Кіраўнік раёна пацікавіўся самаадчуваннем Людмілы Іванаўны, уручыў юбіляршы кветкі, памятны падарунак, выказаў пажаданні здароўя, доўгіх гадоў жыцця, цеплыні і шчырасці тых, хто яе акружае.
Больш падрабязна аб ратным і працоўным шляху Л.І.Манько чытайче ў №31 “Кіраўца” за 2017 год.