Кіраўчане — упершыню ў тройцы прызёраў у камандным заліку на абласной Спартакіядзе школьнікаў!
Штогод юныя спартсмены Кіраўшчыны прымаюць удзел у раённых, абласных, рэспубліканскіх спаборніцтвах па відах спорту ў рамках правядзення Спартакіяд школьнікаў. Па выніках абласной Спартакіяды школьнікаў 2017 года кіраўчане дасягнулі небывалага дагэтуль поспеху: занялі выніковае 3 месца, Кіраўскі раён упершыню ўзняўся на п’едэстал гонару!
Нашы спартсмены ўдзельнічалі ва ўсіх 15 абавязковых відах спорту, дзе паказалі
дастойныя рэзультаты. У асобных відах — нават вышэйшыя, чым іх равеснікі са спецыялізаваных аддзяленняў. Акрамя таго, тры віды былі ўзяты па выбары, вынікі выступленняў у двух лепшых з якіх ішлі ў залік. Кіраўскія рабяты — выхаванцы ДЮСШ па-сапраўднаму бліснулі ў веласпорце (трэнеры Сяргей Клімовіч і Юрый Цішкоў) і цяжкай атлетыцы (трэнеры Кірыл Іваніцкі і Андрэй Асташоў), што ў многім абумовіла агульны поспех. А ўдзел прадстаўнікоў Кіраўшчны ў рэспубліканскай Спартакіядзе школьнікаў дадаў у скарбонку дадатковых 23 ачкі.
У выніку Кіраўскі раён набраў 378 ачкоў, што дазволіла заняць трэці радок у выніковай табліцы Спартакіяды. Кіраўчане толькі 6 ачкоў саступілі заняўшаму 2 месца Асіповіцкаму раёну. А перамогу атрымалі пастаянна паспяхова выступаючыя на падобных спаборніцтвах спартсмены Хоцімскага раёна.
Варта адзначыць, што найбольшы ўклад у «бронзавы» поспех кіраўчан унеслі юныя спартсмены Паўлавіцкой СШ імя Р.А.Худалеева ( настаўнік фізкультуры і здароўя В.І.Вароніч). У ліку найбольш актыўных удзельнікаў былі таксма прадстаўнікі Скрыпліцкай СШ (Ф.У.Аляшкевіч), Мышкавіцкай СШ (А.М.Якавец), СШ №1 (А.С.Каранкевіч), гімназіі (С.М.Садоўнікоў).
Віншуем усіх нашых юных спартсменаў — вучняў 5-11 класаў, а таксама іх трэнераў і выкладчыкаў з заслужаным поспехам. Чакаем далейшых перамог і высокіх дасягненняў!