Яшчэ трое працаўнікоў Кіраўшчыны ўдастоены высокіх дзяржаўных узнагарод!
25 красавіка ў Мінску прэм’ер-міністр Рэспублікі Беларусь Андрэй Кабякоў уручыў дзяржаўныя ўзнагароды больш чым 100 лепшым прадстаўнікам працоўных калектываў краіны. Цырымонія прайшла ў Палацы Рэспублікі.
Разам з прадстаўнікамі розных галін народнай гаспадаркі былі ўшанаваны і працаўнікі сельскагаспадарчай галіны, чые шматгадовая праца, значны асбісты ўклад у развіццё аграпрамысловага комплексу, сельскай гаспадаркі і перапрацоўчай прамысловасці, дасягненне імі высокіх паказчыкаў былі высока адзначаны дзяржавай.
У ліку ўзнагароджаных — адразу трое прадстаўнікоў Кіраўшчыны. Медаля “За працоўныя заслугі” ўдастоены трактарыст-машыніст ААТ “Рассвет імя К.П.Арлоўскага” Мікалай ДРОЗД, аператары машыннага даення КСУП “Жылічы” Тамара КУЗЬМЯНКОВА і ААТ “Рассвет імя К.П.Арлоўскага” Галіна ЛЁГКАЯ.
Аб’ектыў рэдакцыйнай фотакамеры заспеў нашых дэлегатаў, калі яны толькі вярнуліся дадому з Мінска,
з урачыстай цырымоніі.
Сардэчна віншуем нашых землякоў з высокімі дзяржаўнымі ўзнагародамі, жадаем новых поспехаў і дасягненняў у працоўнай дзейнасці!
На здымку: Тамара Кузьмянкова, Мікалай Дрозд, Галіна Лёгкая.
Фота Максіма МІКЕШЫНА.