На Кіраўшчыне ўрачыста адзначылі Дзень Незалежнасці Рэспублікі Беларусь
Урачыста на Кіраўшчыне адзначылі галоўнае свята краіны — Дзень Незалежнасці Рэспублікі Беларусь (Дзень Рэспублікі). Нягледзячы на крыху халаднаватае для гэтага часу надвор’е, выдатны настрой панаваў у Кіраўску на працягу ўсяго дня. Нават дождж, які ішоў некалькі дзён напярэдадні, прыпыніўся, нібыта даўшы магчымасць кіраўчанам акунуцца ў атмаферу свята.
Традыцыйна святочныя мерапрыемствы пачаліся каля Кіраўскай дзіцячай школы мастацтваў з цырымоніі ўскладання вянкоў і кветак да брацкай магілы воінаў і партызан, загінуўшых у гады Вялікай Айчыннай вайны.
Пад гукі марша у выкананні духавога аркестра «Фанфары Кіраўска» пад кіраўніцтвам Аляксандра Хадакова, калона дэлегацый працоўных калектываў прадпрыемстваў, арганізацый і ўстаноў раёна, арганізаваных структур грамадскіх і прафсаюзных арганізацый рушыла па вуліцы Кірава да раённага Дома культуры. Ва ўрачыстым картэжы на аўтамабілях у суправаджэнні эскорту — ветэраны Вялікай Айчыннай вайны.
У фае другога паверха РДК была арганізавана выстава майстроў дэкаратыўна-прыкладнога мастацтва, навучэнцаў школ мастацтваў, устаноў адукацыі.
Насычанай была праграма тэтралізаванага святочнага канцэрта «Беларусь! Мая слава, надзея і гонар!”», які праходзіў на сцэне. Усіх прысутных шчыра вітала старшыня райсавета дэпутатаў Галіна Слабоднікава.
На плошчы імя Кірава быў арганізаваны выязны гандаль Кіраўскага райспажыўтаварыства, прадпрымальнікаў. На працягу ўсяго дня ў гарадскім парку «Ля фантана» працавалі дзіцячыя атракцыёны.
Для аматараў спорту і прыхільнікаў здаровага ладу жыцця былі наладжаны спаборніцтвы па міні- футболе, шашках, армрэстлінгу, падняцці гіры, скачках на скакалцы, дартсе.
Больш падрабязна чытайце ў №49 «Кіраўца» за 2018 год. Вашай увазе — фотарэпартаж са святкавання Дня Незалежнасці Рэспублікі Беларусь (Дня Рэспублікі) у Кіраўску.