З удзячнасцю за плённую працу
Галіна жывёлагадоўлі заўсёды з’яўлялася лакаматывам эканомікі любой арганізацыі, звязанай з сельскагаспадарчай вытворчасцю. На гэта звярнуў увагу першы намеснік старшыні Магілёўскага албвыканкама Мікалай Кароцін падчас ушанавання лепшых жывёлаводаў рэгіёна па выніках работы за 2018 год.
Мерапрыемства адбылося ў межах рэспубліканскай акцыі «Наш жывёлавод», якая трэці год запар праводзіцца Беларускім прафсаюзам работнікаў аграпрамысловага комплексу сумесна з Мінсельгасхарчам.
На мерапрыемства было запрошана каля 170 работнікаў жывёлагадоўлі — заатэхнікі, ветэрынарныя ўрачы, загадчыкі малочна-таварных ферм і комплексаў, аператары па штучным асемяненні жывёлы, аператары машыннага даення, даглядчыкі і цялятніцы, спецыялісты птушкагадоўчай і свінагадоўчай галін. Удзел у ім прынялі і лепшыя жывёлаводы Кіраўшчыны. Ганаровага права прадстаўляць раён былі ўдастоены галоўны заатэхнік ААТ “Кіраўскае райаграпрамтэхзабеспячэнне” Алена Пашкевіч, аператар жывёлагадоўчага комплексу ААТ “Дабаснянскае” Валянцін Герасімовіч, аператар жывёлагадоўчага комплексу РУП “Беларуснафта-Магілёўаблнафтапрадукт” СГФ “Чыгірынка” Аляксандр Гаўрылаў, аператары свінаводчага комплексу КСУП “Чырвоны баец” Ганна Аляксеева і Алена Цяніцкая, работнікі ААТ “Рассвет імя К.П.Арлоўскага” — галоўны ветэрынарны ўрач Ігар Казека, брыгадзір МТК “Стаўпішчы” Таццяна Хомская і аператар машыннага даення Ірына Міхалап, аператар па штучным асемяненні жывёлы МТК “Кірава” Сяргей Стральцоў, аператар жывёлагадоўчага комплексу МТК “Валосавічы” Святлана Лусковіч.
Падчас сустрэчы з жывёлаводамі Магілёўшчыны Мікалай Кароцін адзначыў, што АПК асноўную задачу — забеспячэнне насельніцтва прадуктамі харчавання выканалі ў поўным аб’ёме.
Па яго словах, гадавая малочная прадуктыўнасць кароў у 2018 г. склала 4037 кг малака. Традыцыйным лідарам па гэтым паказчыку сярод раёнаў вобласці з’яўляецца Кіраўскі раён — 5605 кг, што адпавядае 22 месцу сярод 118 раёнаў краіны.
Мікалай Кароцін падзякаваў жывёлаводам за працоўныя подзвігі і пажадаў, каб наступны сельскагаспадарчы сезон быў паспяховым, а планы рэалізаваліся.
Цёплыя словы віншаванняў жывёлаводам адрасавалі намеснік міністра сельскай гаспадаркі і харчавання Ігар Брыло, намеснік старшыні рэспубліканскага камітэта Беларускага прафсаюза работнікаў АПК Іван Каскевіч, першы намеснік старшыні камітэта па сельскай гаспадарцы і харчаванні аблвыканкама Алена Шыбут, старшыня Магілёўскай абласной арганізацыі Беларускага прафсаюза работнікаў АПК Віктар Гейдэль. Яны ўручылі лепшым прадстаўнікам жывёлагадоўчай галіны ганаровыя граматы і аб’явілі падзякі. Сярод адзначаных былі і прадстаўнікі нашага раёна.