Знаёмцеся: гордасць Кіраўшчыны – выпускнікі-медалісты-2021
Прадстаўляем па традыцыі залатых медалістаў Кіраўшчыны.
У 2021 годзе іх сямёра. Гэтыя юнакі і дзяўчаты на працягу 11-ці год настойліва авалодвалі ведамі, адкрывалі і развівалі свае таленты, здольнасці і магчымасці, дасягалі поспехаў у вучобе, творчасці і грамадскім жыцці. Наперадзе іх, як і іншых выпускнікоў, чакае дарога ў самастойнае жыццё. Няхай жа гэты новы шлях стане для ўсіх паспяховым, няхай здзейсняцца ўсе мары і ўвасобяцца ў жыццё мэты. Заставайцеся вернымі сабе і сваім жыццёвым арыенцірам. Шануйце сваю малую радзіму – Кіраўшчыну, якая дала вам пуцёўку ў жыццё!
Марыя АРЛОЎСКАЯ, Мышкавіцкая СШ
У Марыі – дапытлівы розум, яна ўмее сістэматызаваць матэрыял, разважаць, рабіць адпаведныя высновы і абагульняць. Настойлівая ў авалоданні ведамі, выкарыстоўвае спосабы рацыянальнай работы.
Неаднаразова перамагала ў раённых прадметных алімпіядах. Была актыўнай удзельніцай, арганізатарам і натхняльнікам многіх культурна-масавых мерапрыемстваў у класе і школе, іх нязменнай вядучай.
У Марыі развіта самасвядомасць і адэкватная самаацэнка. Умее ўдзельнічаць у спрэчках, дыскусіях, здольная адстойваць свае ідэі.
Валодае багатым унутраным светам, мае высокі ўзровень выхавання. Любіць чытаць.
Па характары – сціплая, акуратная, мае эстэтычны густ, камунікабельная, талерантная, умее супрацоўнічаць, заўсёды гатова аказаць дапамогу іншым.
Дар’я ХРАМЦОВА, Чыгірынская СШ
За час навучання зарэкамендавала сябе як здольная, арганізаваная і старанная вучаніца.
Валодае добрай памяццю, што дапамагае ёй хутка засвойваць матэрыял, развітым вусным і пісьмовым маўленнем. Лёгка ўмее пераключацца з аднаго віду дзейнасці на іншы.
Шмат разоў станавілася прызёрам алімпіяд і конкурсаў рознага ўзроўню.
Грамадскія даручэнні выконвае добрасумленна, імкнецца да дасягнення свядома пастаўленых мэт.
З’яўлялася сакратаром пярвічнай арганізацыі ГА “БРСМ”. Мае выдатныя артыстычныя здольнасці.
Таварыская, тактоўная і добразычлівая, сярод сяброў карыстаецца аўтарытэтам. У зносінах – надзейная, да старэйшых ставіцца з павагай. Не паддаецца адмоўнаму ўплыву, мае ўласнае меркаванне і ўмее яго адстойваць.
Аляксандр БЯРОЗКА, СШ №1
Падчас вучобы праявіў сябе як чалавек высокіх інтэлектуальных здольнасцей, прынцыповы, камунікабельны, адказны.
Аляксандр – неаднаразовы пераможца раённых, абласных чэмпіянатаў па інтэлектуальных гульнях у саставе каманды “З міру па нітцы”, удзельнік тэлевізійнай гульні “Я ведаю”, займаў прызавыя месцы ў раённых творчых конкурсах.
Актыўная жыццёвая пазіцыя, мэтанакіраванасць дазваляюць яму дасягаць пастаўленых мэт і імкнуцца да новых вышынь.
У мінулым навучальным годзе стаў удзельнікам трэцяга этапу рэспубліканскай алімпіяды па хіміі сярод вучняў X-XI класаў.
Карыстаецца аўтарытэтам сярод аднакласнікаў і сяброў, умее даць дзейсную параду, дапамагчы ў складанай сітуацыі.
Лізавета ПЯЛАВА, СШ №2 імя К.П.Арлоўскага
За час вучобы праявіла высокія інтэлектуальныя здольнасці. Творча, дакладна, мэтанакіравана падыходзіла да выканання пастаўленых задач, адказна, скрупулёзна ставілася да засваення вучэбнай праграмы.
Валодае лагічным розумам, умее сістэматызаваць матэрыял за межамі вучэбнай тэмы. Гэтыя якасці дапамаглі Лізавеце ў 2018 і 2019 гадах стаць прызёрам другога этапу рэспубліканскіх алімпіяд па матэматыцы і фізіцы, атрымаць заахвочвальны водгук у трэцім этапе рэспубліканскай алімпіяды па матэматыцы.
Уменне прымяняць даследчыя навыкі паспрыяла таму, што дзяўчына заваявала пераможныя месцы ў конкурсах даследчых і навукова-практычных работ розных узроўняў.
Жыццярадасная, пазітыўная. Працуе над павышэннем свайго інтэлектуальнага ўзроўню, развівае творчыя здольнасці.
Аліна ПАЦЯГОВА, СШ №2 імя К.П.Арлоўскага
Акдкрытая ў зносінах, камунікабельная, добразычлівая.
Уменне прымаць самастойныя рашэнні новых для яе задач з выкарыстаннем элементаў навуковых даследаванняў, фармуляваць высновы і заканамернасці дазволілі Аліне стаць пераможцам у рэспубліканскім этапе конкурсу праектаў “100 ідэй для Беларусі”, прызёрам у Міжнароднай навукова-практычнай канферэнцыі “Першыя крокі ў навуку-2020” і інш.
Прынцыповая, здольная адстаяць свой пункт гледжання, падтрымаць гутарку на любую тэму.
Ксенія КОТАВА, СШ №2 імя К.П.Арлоўскага
Шчырая, добразычлівая, міласэрная. Заўсёды нясе адказнасць за свае ўчынкі, імкнецца да гарманічных адносін. Умее дакладна абазначыць сваю пазіцыю, адстаяць погляды і перакананні.
Неаднаразова была прызёрам абласной алімпіяды па англійскай мове. У 2020/2021 навучальным годзе заняла 3 месца у трэцім этапе рэспубліканскай алімпіяды па гэтым вучэбным прадмеце.
Перамагала ў конкурсах і творчых іспытах розных узроўняў.
Выхаваная, тактоўная, самастойная ў прыняцці рашэнняў.
Дарыя ДРОЗД, СШ №2 імя К.П.Арлоўскага
Камунікабельная, мэтанакіраваная, працаздольная.
Неаднаразова з’яўлялася пераможцай раённых алімпіяд па беларускай мове.
Мае актыўную жыццёвую пазіцыю. Уменне добра наладжваць зносіны дапамагаюць Дарыі дасягаць пастаўленых мэт і імкнуцца да перамог.
Вызначальнымі рысамі характару дзяўчыны з’яўляюцца адказнасць, пачуццё таварыскасці, дакладнасць і неабыякавасць у справах.
Мае высокія інтэлектуальныя і арганізатарскія здольнасці.
Подписывайтесь на нас в социальных сетях: «Одноклассники» и «Одноклассники» (группа), «ВКонтакте», «Фейсбук», «Instagram», «Telegram», «Яндекс Дзен».