Беларускі кірмаш прайшоў у СШ №2 імя К.П. Арлоўскага
На беларускі кірмаш былі запрошаны вучні III “Б” класа СШ №2 імя К.П.Арлоўскага. Мерапрыемства арганізавана ў межах Тыдня беларускай мовы з мэтамі выхавання ў дзяцей пачуцця любові да роднага краю і беларускай мовы, фарміравання творчых адносін да розных відаў музычнай дзейнасці і інш.
На некаторы час класны пакой ператварыўся ў сапраўдны кірмаш: парты былі ўпрыгожаны саматканымі ручнікамі, абрусамі і хусткамі, на іх стаялі мастацкія вырабы з саломы і гліны, кошыкі з агароднінай і садавінай; гучалі песні «Будзь здаровы, гаспадар» – у выкананні ансамбля народнай музыкі «Бяседа», «Чаму ж мне ня пець?», «Бывайце здаровы!», «Бульба».
Класны кіраўнік Эліна Фралова расказала дзецям, што кірмаш – гэта свята, якое традыцыйна адбывалася восенню. Але, перш чым яго ладзіць, трэба было добра папрацаваць на зямлі, вырасціць і сабраць ураджай. На гэтым свяце славілі дбайных гаспадароў.
Дзеці пазнаёміліся з некаторымі народнымі традыцыямі, чыталі вершы, спявалі, выконвалі заданні на веданне беларускай мовы, мелі магчымасць пераапрануцца ў беларускае народнае адзенне.
Напрыканцы свята ўсе паспрабавалі беларускую страву – дранікі, якую згатавала бабуля адной з навучэнак класа.
Развіталіся з кірмашом выканнем песні “Бывайце здаровы!”.
Эліна Фралова адзначыла, што мова – гэта душа народа, аснова яго культуры, крыніца прыгажосці. Арганізацыя такіх мерапрыемстваў дапамагае выхоўваць у дзяцей цікавасць да больш глыбокага вывучэння беларускай мовы і народных традыцый.
Яўгенія БЯЛЬКО.
На некаторы час класны пакой ператварыўся ў сапраўдны кірмаш: парты былі ўпрыгожаны саматканымі ручнікамі, абрусамі і хусткамі, на іх стаялі мастацкія вырабы з саломы і гліны, кошыкі з агароднінай і садавінай; гучалі песні «Будзь здаровы, гаспадар» – у выкананні ансамбля народнай музыкі «Бяседа», «Чаму ж мне ня пець?», «Бывайце здаровы!», «Бульба».
Класны кіраўнік Эліна Фралова расказала дзецям, што кірмаш – гэта свята, якое традыцыйна адбывалася восенню. Але, перш чым яго ладзіць, трэба было добра папрацаваць на зямлі, вырасціць і сабраць ураджай. На гэтым свяце славілі дбайных гаспадароў.
Дзеці пазнаёміліся з некаторымі народнымі традыцыямі, чыталі вершы, спявалі, выконвалі заданні на веданне беларускай мовы, мелі магчымасць пераапрануцца ў беларускае народнае адзенне.
Напрыканцы свята ўсе паспрабавалі беларускую страву – дранікі, якую згатавала бабуля адной з навучэнак класа.
Развіталіся з кірмашом выканнем песні “Бывайце здаровы!”.
Эліна Фралова адзначыла, што мова – гэта душа народа, аснова яго культуры, крыніца прыгажосці. Арганізацыя такіх мерапрыемстваў дапамагае выхоўваць у дзяцей цікавасць да больш глыбокага вывучэння беларускай мовы і народных традыцый.
Яўгенія БЯЛЬКО.