Аграрыі Кіраўшчыны адзначылі прафесійнае свята: КСУП “Чырвоны баец”
З нагоды Дня работнікаў сельскай гаспадаркі і пераапрацоўчай прамысловасці АПК у КСУП “Чырвоны баец” адбыўся ўрачысты сход.
Падзякаваць працаўнікам вёскі, якія сваёй добрасумленнай працай робяць неацэнны ўклад у скарбонку поспехаў і дасягненняў Кіраўшчыны, прыехала намеснік старшыні райвыканкама Таццяна Бяляўская. Яна ўручыла Ганаровыя дыпломы Магілёўскага аблвыканкама жывёлаводу-паляводу Мікалаю Фарчанаву, пераможцу працоўнага спаборніцтва ў намінацыі “Лепшыя работнікі, занятыя ў сельгасвытворчасці, сярод аператараў жывёлагадоўчых комплексаў і механізаваных ферм па вырошчванні буйной рагатай жывёлы” і трактарысту-машыністу Мікалаю Масюковічу, пераможцу ў намінацыі “Лепшыя работнікі, занятыя ў сельгасвытворчасці, сярод механізатараў, якія дасягнулі вышэйшай выпрацоўкі эталонных гектараў на ўмоўны трактар”.
Калектыву “Чырвонага байца” ёсць кім ганарыцца: тут шчыруюць вяскоўцы, якія не проста добрасумленна выконваюць свае прафесійныя абавязкі, а укладваюць душу ў нялёгкую сельскагаспадарчую справу.
Дырэктар сельгаспрадпрыемства Сяргей Лянкевіч падзякаваў аграрыям за добрасумленнае і адказнае стаўленне да выканання сваіх працоўных абавязкаў і ўручыў перадавікам вытворчасці Ганаровыя граматы.
Намеснік дырэктара Уладзімір Пятроў адзначыў заслужанымі ўзнагародамі лепшых механізатараў, якія ўдзельнічалі сёлета ва ўборцы ўраджаю.
Працаўнікі сельгасвытворчасці прымалі музычныя падарункі, пажаданні здароўя, поспеху, дабрабыту ў сем’ях.
Яўгенія БЯЛЬКО.