Чуласць і павага да пажылых людзей дазваляюць удасканальваць формы і метады сацыяльнага абслугоўвання сталых жыхароў раёна, своечасова аказваць дапамогу і падтрымку маючым у тым патрэбу грамадзянам. Так, да Дня пажылых людзей у нашым раёне былі прымеркаваны шматлікія мерапрыемствы.

• Упраўленнем па працы, занятасці і сацыяльнай абароне райвыканкама зараней былі накіраваны рэкамендацыйныя пісьмы ў 31 арганізацыю з прапановай матэрыяльна падтрымаць сталых людзей, якія некалі працавалі ў іх калектывах. Матэрыяльная дапамога аказана 539 пенсіянерам 14 арганізацыямі на агульную суму 6804 руб.
62 адзінокім пажылым людзям, якія знаходзяцца на надомным абслугоўванні ў РЦСАН, ака-зана дапамога ў нарыхтоўцы агародніны на зіму. Шэфы арганізавалі ўборку дваравых тэрыторый 3 ветэранам Вялікай Айчыннай вайны.
Таксама была выдзелена гуманітарная дапамога 5 адзінокім грамадзянам сталага ўзросту.
Да насельнікаў аддзялення кругласутачнага знаходжання для грамадзян пажылога ўзросту і інвалідаў в.Хвайніца з падарункамі наведаліся начальнік упраўлення па працы, занятасці і сацыяльнай абароне райвыканкама Алена Лянкевіч і дырэктар РЦСАН Вольга Мержый. А рабяты з гімназіі горада ўрычылі ім свае вырабы — цёплыя шкарпэткі і варэнне (на здымках).
Затым адбылася канцэртная праграма “Ад усёй душы”, падрыхтаваная гімназістамі і культработнікамі. Сталыя людзі і інваліды шчыра апладзіравалі самадзейным артыстам, дзякавалі за падарункі.
• Да Дня пажылых людзей была наладжана святочная праграма для ўдзельнікаў клуба «Сяброўка Восень” і наведвальнікаў аддзялення дзённага знаходжання для грамадзян пажылога ўзросту РЦСАН.
• На базе сацыяльна-га пункта ў аг.Мышкавічы і Жыліцкага сельгаскаледжа сумесна са спецыялістам мясцовага сацыяльнага пункта для пажылых грамадзян былі наладжаны святочныя мерапрыемствы “Мы — разам”.
Таксама былі арганізаваны агеньчыкі, вечары-сустрэчы, клубныя пасядзелкі, конкурсы і выставы малюнкаў, класныя гадзіны і інш. Усё рабілася ад душы і з тым, каб сталыя людзі адчулі сябе запатрабаванымі, для іх рыхтаваліся музычныя праграмы.
Фота
Максіма МІКЕШЫНА.