На Кіраўскім участку для галасавання №21 зрабіла свой выбар Надзея Каранкевіч, ветэран працы, якой прысвоена званне “Ганаровы грамадзянін Кіраўскага раёна”. Надзея Аляксееўна адзначыла, што ў яе сёння святочны настрой, яна аддала свой голас, на яе погляд, за кандыдата ў дэпутаты Палаты прадстаўнікоў, які будзе дастойна прадстаўляць інтарэсы раёна ў парламенце.

У гэты ж час на ўчастку ўпершыню прымаў удзел у выбарах кіраўчанін Леанід Свірко, першакурснік  Бабруйскага дзяржаўнага будаўнічага прафесійна-тэхнічнага каледжа. Для маладога чалавека, па яго словах, гэта адметны дзень у жыцці: ён прыйшоў на выбары, каб выказаць сваю грамадзянскую пазіцыю, і адчувае сваё дачыненне да справы вызначэння далейшага лёсу Беларусі.

Старшыня ўчастковай выбарчай камісіі Віктар Ставер шчыра павіншаваў маладога выбаршчыка, як і ўсіх астатніх, хто ў гэты дзень упершыню ўдзельнічаў у выбарах, уручыў паштоўку за подпісам старшыні Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў Лідзіі Ярмошынай і памятны сувенір.

Ходам галасавання на ўчастку прыйшла пацікавіцца старшыня раённага Савета дэпутатаў Галіна Слабоднікава. Тлумачэнні даў старшыня ўчастковай выбарчай камісіі Віктар Ставер.

У спісы выбаршчыкаў на дадзеным участку для галасавання ўнесены 2590 выбаршчыкаў. Створаны ўсе належныя ўмовы для правядзення выбараў. У фае першага паверха РДК наладжана работа буфета, перад выбаршчыкамі з канцэртнай праграмай выступілі самадзейныя артысты.