У Кираўскім раёне паспяхова ўкаранілася такая форма работы, як правядзенне дзён жывёлавода. У іх ходзе рабочыя групы, куды ўваходзяць прадстаўнікі раённай улады, спецыялісты райсельгасхарчу, кіраўнікі раённых службаў, звязаных з жывёлагадоўляй, райкама прафсаюза работнікаў АПК, раённага аб’яднання арганізацый прафсаюзаў, якія ўваходзяць у Федэрацыю прафсаюзаў Беларусі, наведваюць калектывы жывёлагадоўчых аб’ектаў раёна, дзе сустракаюцца з мясцовымі калектывамі. Падчас сустрэч работнікаў знаёмяць з сацыяльна-эканамічным развіццём раёна, у тым ліку з рэзультатамі работы ў сельскагаспадарчай галіне. Члены груп вывучаюць, што цікавіць жывёлаводаў, арганізацыю работ, умовы працы і інш. Узнімаемыя пытанні, калі гэта патрэбна, бяруцца на кантроль.