Адукацыя ў лiчбах і фактах
У 2015/2016 навучальным годзе ў раёне функцыянуе 12 устаноў агульнай сярэдняй адукацыі (у сельскіх населеных пунктах — 10, у горадзе — 2), у 7 з іх навучанне і выхаванне ажыццяўляецца на рускай мове, у 5 — на беларускай.
Ва ўстановах адукацыі навучаецца 2042 вучні (у сельскіх— 936, у горадзе — 1106).
Ва ўстановах адукацыі раёна працуюць 416 настаўнікаў, 97% з іх маюць вышэйшую адукацыю, 86% —вышэйшую і першую кваліфікацыйныя катэгорыі. Кагорту выкладчыкаў сёлета папоўнілі 17 маладых спецыялістаў.
Педагагічныя работнікі раёна прымаюць актыўны ўдзел у абласных і рэспубліканскіх конкурсах і алімпіядах. Так, Л.Г.Царанок (СШ №1), Г.М.Абросімава (Мышкавіцкая СШ), А.Р .Макаронак (Паўлавіцкая СШ імя Р.А.Худалеева) сталі пераможцамі рэспубліканскага інтэрнэт-конкурсу «Мне сняцца сны аб Беларусі». С.М.Садоўнікаў (гімназія горада) і В.І.Вароніч (Паўлавіцкая СШ імя Р.А.Худалеева) узнагароджаны дыпломамі заключнага этапу другога рэспубліканскага агляду-конкурсу “Урок (гадзіна) футболу».
З 2015/2016 навучальнага года ў мэтах далейшага развіцця сярэдняй адукацыі, фарміравання ў вучняў кампетэнцый, запатрабаваных у сучасным сацыяльным жыцці і эканоміцы, у 10-11 класах ўведзена профільнае навучанне.
На базе СШ №1 і Мышкавіцкай СШ адкрыты 2 класы, у якіх групы вучняў вывучаюць рускую і англійскую мовы на павышаным узроўні. У гімназіі горада ў 10 класе арганізавана мульціпрофільнае навучанне, пры якім на паглыбленым узроўні вывучаюцца руская і замежныя мовы, фізіка, матэматыка.
У нашай краіне захаваны сфарміраваныя раней падыходы да арганізацыі работы па выяўленні і падтрымцы таленавітых дзяцей і моладзі. З гэтай мэтай штогод праводзяцца раённыя, абласныя і рэспубліканскія алімпіяды па вучэбных прадметах; рэспубліканскі конкурс доследных работ (канферэнцыі) вучняў па вучэбных прадметах і інш.
Так, у 2015/2016 навучальным годзе на заключным этапе рэспубліканскай алімпіяды па вучэбным прадмеце “Працоўнае навучанне” вучаніца СШ №1 Юлія Багданава заваявала дыплом 2-й ступені.
Заслужаную ролю ў падрыхтоўцы канкурэнтаздольных кадраў, якія забяспечваюць эканамічнае развіццё краіны, займаюць ўстановы прафесійна-тэхнічнай і сярэдняй спецыяльнай адукацыі.
У нашым раёне падрыхтоўкай кваліфікаваных кадраў для сферы народнай гаспадаркі займаюцца ліцэй №15 (179 навучэнцаў) і Жыліцкі дзяржаўны сельскагаспадарчы каледж (357 навучэнцаў).
Таксама чытайце:
